तीन दिने निःशुल्क मोतिबिन्दु शल्यक्रिया शिविरमा ६०३ जान लाभान्वीत

सिमकोट ।      नेपाल रेडक्रस सोसाइटी जिल्ला शाखा हुम्ला र जिल्ला आँखा उपचार केन्द्र सिमकोटको समन्वय तथा नेपाल नेत्रज्योति संघ, हिमालय आँखा अस्पताल घारी पाटन पोखराको आयोजनामा जिल्ला अस्पताल हुम्लामा तीन दिने निःशुल्क मोतिबिन्दु शल्यक्रिया सम्बन्धी आँखा शिविर सम्पन्न भएको छ ।

नेपाल रेडक्रस सोसाइटी शाखा हुम्लाका कोषाध्यक्ष मन्दिर सिहंका अनुसार तिन दिनमा ६०३ जनाले शिविरबाट सेवा लिनु ६९ जनाको सल्यक्रिया गरेको बताउनु भएको छ । साथै आवश्यक अनुसार चस्मा र औषधी निःशुल्क वितरण गरिएको उनले बताए ।

नेपाल नेत्रज्योति संघ सिमकोट हुम्ला र जिल्ला आँखा अस्पताल हुम्लाले मोतिबिन्दु पीडित भएकालाई सहज र निःशुल्क सेवा उपलब्ध गराउने उद्देश्यले शिविर संचालन गरेको बताइएको छ ।

हुम्लामा मोतिबिन्दुका कारण समस्या भोग्दै आएका बिरामीलाई घर आँगनमै सेवा दिने उद्देश्यले यो शिविर सञ्चालन गरिएको नेपाल नेत्रज्योति संघ सिमकोट हुम्लाका सभापति नरबहादुर रोकायाले बताए ।
यस शिविर रेडली केयर फाउन्डेसनको आर्थिक सहयोग र आई केयर फाउन्डेसनको विशेष सहयोग रहेको छ। शिविर मंसिर ६ गतेदेखि ८ गतेसम्म सञ्चालन हुनेछ ।

नेपाल नेत्रज्योति संघका अनुसार दृष्टि गुमाउने स्थितिमा रहेका नागरिक आर्थिक अभाव वा पहुँचको कमीका कारण उपचारविहीन हुन नपरोस् भन्ने उद्देश्यले हुम्लामा यस्ता निःशुल्क शिविरहरू सञ्चालन गरिँदै आएको छ।

शिविरमा हिमालय आँखा अस्पताल पोखराका डा. अनिल पराजुलीसहित आठ जनाको स्वास्थ्यकर्मी टोली खटिएको छ। मंसिर ८ गतेसम्म सञ्चालन हुने यो शिविरमा हुम्लाका सबै दृष्टि समस्या भएका नागरिकलाई सेवा लिन नेपाल रेडक्रस सोसाइटी जिल्ला शाखाका सभापति गणेशबहादुर महतले अनुरोध गरेका छन्।