हिमाली जडीबुटीहरुको स्रोत सर्वेक्षण सम्बन्धी दुई दिने अन्तरक्रिया कार्यक्रम सञ्चालन

सिमकोट   

संकटापन वन्यजन्तु तथा वनस्पतीका प्रजातिको अन्तरराष्टिय व्यापार र हिमाली जडीबुटीहरुको स्रोत सर्वेक्षण सम्बन्धी दुई दिने अन्तरक्रिया कार्यक्रम सिमकोटमा सञ्चालन भएको छ । एन्साब नेपालको आर्थिक सहयोग र सामुदायिक वन उपभोक्ता महासंघको आयोजनामा यो अन्तरक्रिया सञ्चालन भएको छ । 
अन्तरक्रियामा संकटापन वन्यजन्तु तथा वनस्पतीका प्रजातिको अन्तरराष्टिय व्यापारको रोकथाम कसरी गरिन्छ भन्ने बिषयमा छलफल गरिएको बताइएको छ ।

संकटापन वन्यजन्तु तथा वनस्पतिको अन्तरराष्टिय व्यापारलाई नियमन तथा नियन्त्रण गर्न बनेको ऐन कानुनको बारेमा पनि स्पष्ट पारिएको सामुदायिक वन उपभोक्ता महाँसंघका सचिव मन्जु रावले बताउनु भएको छ । 
हिमाली जिल्लामा जडीबुटीको सा्रेत सर्वेक्षण कसरी जोगाउन सकिन्छ, यसको दिगोपन कसरी गरिन्छ भन्ने विषयमा पनि छलफल भएको छ । हुम्लामा सामुदायिक वन जडीबुटीका कारण आम्दानीको लागी महत्वपुर्ण स्रोत मानिएको छ ।

जडीवटीको आर्थिक, पर्यावरणीय, स्वास्थ्य र पर्यटकीय क्षेत्रमा महत्वपूर्ण स्थान रहेको छ । जडीबुटीलाई आम्दानीको रुपमा विकास गर्न वन नियमावली २०६८ विशेष जोड दिएको देखिन्छ । 
जडीबुटीको आर्थिक पक्षसँग सम्बन्धी ऐन,नियमावली, विभिन्न योजना, खोज अनुसन्धान नतिजा विश्लेषण गरिएको छ । अनुसन्धानमा पाठ्यक्रम समाज र आर्थिक पक्ष सँग जोडिएका टेलर, टावा, केर सिद्धान्तहरूलाइ जोड्ने प्रयास गरिएको छ ।

सामुदायिक वन उपभोक्ता महासंघ  हुम्लाका अध्यक्ष राजेन्द्र कार्कीको अध्यक्षतामा  उक्त कार्यक्रम सञ्चालन भएको छ । कार्यक्रममा डिभिजन वन कार्यालय हुम्लाका डिभिजनल वन अधिकृत महेश कुमाइको प्रमुख अतिथि रहेकोे थियो । सामुदायिक वन उपभोक्ता महासंघ हुम्लाका सचिव मञ्जु रावलले स्वागत मन्तव्य गर्नु भएको थियो । यो दुई दिने अन्तरक्रिया जिल्लामा रहेका वन अधिकृत, रेन्जर र वन रक्षकसँग गरिएको छ ।