सात वर्षमा हुम्ला भित्र ७३ वटा सवारी दुर्घटनाः३६ जनाको मृत्यु

सिमकोट । हिमाली जिल्ला हुम्लामा गाडी चल्न थालेयताको सात वर्षमा भएका ७३ वटा सवारी साधन दुर्घटनामा ३६ जनाको मृत्यु भएको छ । यि दुर्घटनामा एक सय ४६ जना घाइते भएका छन् ।

हुम्लामा आन्तरिक रुपमा सडक सञ्चालनमा आए लगत्तै हेलिकोप्टरमार्फत गाडी ढुवानी गरेर आन्तरिक रुपमा चल्न थालेको आर्थिक वर्ष ०७६/७७ देखि हालसम्म यो क्षति भएको जिल्ला ट्राफिक प्रहरी कार्यालय हुम्लाले जनाएको छ । 

कार्यालयका अनुसार आर्थिक वर्ष ०७६/७७ मा २ वटा सवारी दुर्घटना हँुदा ६ जनाको मृत्यु भएको थियो । यसैगरी आर्थिक वर्ष ०७७/७८ मा ७ जनाको मृत्यु भएको थियो भने ५ जना घाइते भएको जिल्ला ट्राफिक प्रहरी कार्यालय हुम्लाको तथ्यांकमा उल्लेख  छ ।

आर्थिक वर्ष ०७८/७९ मा भएको एउटा दुर्घटनामा एक जनाको मृत्यु भएको थियो भने  आर्थिक वर्ष ०७९/०८० मा ११ वटा सवारी साधन दुर्घटना हुँदा २ जनाको मृत्यु भएको ट्राफिक प्रहरीले जनाएको छ । यो वर्ष ६ जना बेपत्ता भएकाको अँझै केही पत्तो लागेको छैन् । आर्थिक वर्ष ०८०/८१ मा भएका १७ वटा चार जनाको मृत्यु भएको र ३५ जना घाइते भएका छन । यसैगरी आर्थिक वर्ष ०८१र०८२ मा ३१ वटा सवारी दुर्घटनामा ११ जनाको मृत्यु र ४२ जना घाइते भएको जिल्ला टाफिक प्रहरी हुम्लाका इन्चार्ज प्रहरी हवालदार भीमबहादुर बुढाले जानकारी दिन’भयो ।

यस्तै गरी ०८२।०८३ को असोज महिनासम्म ९ वटा सवारी दुर्घटना भएका हुँदा ५ जनाको मृत्यु भएको छ भने ४४ जना घाइते भएका छन् । 

जिल्ला ट्राफिक प्रहरी कार्यालय हुम्लाले आर्थिक वर्ष ०८१/८२ मा हुम्ला जिल्ला भरी टा«फिक नियम उलघन गर्ने ५६२ वटा सवारीलाई काबाही गरेको छ । क्षमता भन्दा बढी भार बोकेर हिँड्ने सवारी साधनबाट चार लाख ६१ हजार राजस्व संकलन गरेको जिल्ला टाफिक प्रहरी हुम्लाका इन्चार्ज प्रहरी हवालदार भीमबहादुर बुढाले जानकारी दिनुभयो  । आर्थिक वर्ष ०८२ ।०८३ श्रावण  असोज मसान्तसम्म एक सय ८ वटा ट्राफिक नियम उल्लंघन गरेका सवारीबाट ८० हजार राजस्व संकलन समेत भएका इन्चार्ज बुढाले जानकारी दिनुभयो । 

केहि समय अघि मात्रै राष्ट्रिय सडक सञ्जालमा जोडिएको हुम्लामा सर्केगाड र मैला कबाडी गरेर दुई वटा अस्थायी ट्राफिक पोष्ट रहेका छन ।