मुचु नाम्खाको उत्कृष्ट स्वास्थ्य संस्था 

सिमकोट । मुचु स्वास्थ्य चौकी नाम्खा गाउँपालिकाको उत्कृष्ट कार्य सम्पादन गर्ने स्वास्थ्य संस्था भएको छ । 

गाउँपालिकाको स्वास्थ्य शाखाले गरेको वार्षिक समिक्षा कार्यक्रममा गएको आर्थिक वर्ष मुचुले उत्कृष्ट कार्य सम्पादन गरेको भन्दै पुरस्कृत गरेको स्वास्थ्य शाखा संयोजक ग्याछो लामाले जानकारी दिए । 

संयोजक लामाका अनुसार पालिकाका ६ वटै वडामा भएका स्वास्थ्य संस्थामध्ये मुचुले प्रतिवेदन र सेवाग्राहीलाई सेवा प्रदान गर्ने हिसाबले पनि निकै राम्रो गरेकाले गएको आर्थिक वर्ष उत्कृष्ट स्वास्थ्य संस्थाका रुपमा छनोट भएको हो । शाखाले आयोजना गरेको पालिकाको वार्षिक समिक्षा तथा योजना तर्जुमा कार्यशालाका अवसरमा मुचु स्वास्थ्य चौकी पुरस्कृत गरिएको स्वाथ्इ शाखाले जनाएको । 

कार्यशालमा नाम्खा गाउँपालिका अन्तरगतका स्वास्थ्य संस्थाका स्वास्थ्यकर्मी जिल्ला स्वास्थ्य सेवा कार्यालय हुम्ला, पालिका अन्तरगत संचालनमा रहेका संघ संस्थाहरुको सहभागिता र समन्वयमा सम्पन्न गरिएका कामहरुको समिक्षा समेत गरिएको बताइएको छ ।