२० वर्षीया गर्भवती छत्याललाई नेपाली सेनाको हवाईद्धारा जिल्ला बाहिर उद्धार 

सिमकोट  ।        हुम्ला जिल्ला सर्केगाड गाउँपालिका–७ रोडिकोटकी २० वर्षीया गर्भवती महिला मनिषा छत्याललाई गम्भीर सुत्केरी जटिलताका कारण आज जिल्ला बाहिर रिफर गरिएको छ  ।

जिल्ला अस्पताल हुम्लाकी सिनियर अनमी सरिता बोहराका अनुसार, छत्याललाई सुत्केरी बेथा लाग्दा बच्चाको टाउको निस्कनुपर्ने ठाउँमा हात निस्किएको पाइएकाले तत्काल सर्जरी आवश्यक भएको थियो।

तर अस्पतालमा विश्वसग्य डाक्टर र आवश्यक सर्जिकल उपकरण अभाव भएकाले उनलाई बाहिरी, सुविधा सम्पन्न अस्पतालमा रिफर गर्नु परेको हो।

त्यसैगरी, छत्यालको ओ पोजेटिभ रक्तसमूह भएको र रगतको अभाव समेत देखिएको हुँदा थप जोखिम हुनसक्ने भएकाले समयमै रिफर गरिएको अस्पताल स्रोतले जनाएको छ।

स्थानीयका अनुसार, हुम्ला जस्तो दुर्गम जिल्लामा विशेषज्ञ डाक्टर र स्वास्थ्य उपकरणको अभावका कारण सुत्केरी महिलाले समयमा उपचार नपाउने समस्या बारम्बार दोहोरिन थालेको छ।