आगलागीबाट सावधानी अपनाउन नेपाल प्रहरीको आग्रह

सिमकोट

हुम्लामा पछिल्लो समयमा आगलागीका घटना धेरै घट्ने भएको हुदा टोल टोलमा गएर जिल्ला प्रहरी कार्यालयले जनचेतना मुलक सन्देश फैलाउने काम गरेको छ । हिउदको समयमा न्यानो रहनका लागी दाउरा, कोइला, भुस, गुइटा र हिटर लगायतका साभ्नको बढी प्रयोग नागरिकले गर्ने हुला साबधानी अपनाएर प्रयोग गर्न जिल्ला प्रहरी कार्यालयले सचेत गराउने काम गरेको छ । 
जिल्ला प्रहरी कार्यालयले अहिले सुक्खा मौसममा हावाहुरी चल्ने, घर, पसल, कार्यालय र वन लगायतमा आगलागी भई जनधनको ठूलो क्षति हुने गरेको विगतको तथ्य स्मरण गराउँदै विशेष सावधानी अपनाउन अनुरोध गरेको छ । हुम्ला लामो समयको खडेरीले वन जङगल सुख्खा भएकाले आगलागीका विपद्जन्य घटना बढी हुनसक्ने भएकाले त्यस्ता घटना हुन नदिन र भइहालेमा पनि कम क्षतिमा नियन्त्रण गर्नका लागि जनस्तरबाटै सावधानी अपनाउन आग्रह गरेको छ । जिल्ला प्रहरी कार्यालयमा रहेको महिला सेलका प्रमुख शोभा गिरीले जानकारी दिनुभएको छ । 
आगो उत्पन्न हुने सलाई, लाइटर, ग्याँस सिलिण्डर र चुल्हो बालबालिकाबाट टाढै राखी होसियारीपूर्वक प्रयोग गर्न र काम सकिएपछि सुरक्षितसाथ राख्न अनुरोध गरिएको छ । परिसरले विद्युतजन्य सामग्री हिटर, गिजर, पङ्खा, आइरन, एसी आदिलाई काम सकिएपछि बन्द गर्न, एउटा पावर सकेटबाट धेरै पावर चाहिने उपकरण प्रयोग नगर्न, पूजाकोठामा सिन्के र बाटेको धुप, भान्सामा कोइला, र आगलागी वा धुवाँ भएको स्थानबाट बाहिर निस्कनुपर्दा घोप्टो परेर अथवा घस्रेर निस्कन अनुरोध गरेको गिरीले बताउनु भयो ।

यस्तै ग्याँस सिलिण्डरमा आगो लागेमा जुटको बोरा वा ब्ल्याङ्केटले सिलिण्डरलाई घ्वाप्प छोप्न, ग्यास चुल्हो बाल्नु अगाडि भान्साको झ्याल, ढोका खोली ग्यास लिक भए÷नभएको यकिन गरी प्रयोग गर्न, गाईवस्तु चरनका निम्ति राम्रो हुन्छ भनी वनमा डढेलो नलगाउन, वनमा वनभोज गर्दा बालेको आगो र खाएको चुरोटको ठुटा पूर्णरूपमा निभाउन आग्रह गरिएको छ । आगलागी भएको जानकारी हुनासाथ प्रहरी कन्ट्रोल १०० र दमकल सेवा १०१ मा जानकारी गराउन पनि प्रहरीले सबैमा आग्रह गरेको छ । महिला सेलका प्रमुख शोभा गिरीको नेतृत्वमा सदरमुकाम सिमकोट बजार, तल्लो गाउँ, र माथिल्लो गाउँका टोल टोलमा गई यो चेतना मुलक सन्देश प्रवाह गरिएको छ ।