मौषममा आएको पविर्तनले जाडो बढ्योः कार्यालयमा आगो ताप्दै नागकिलाई सेवा दिदै

सिमकोट

लामो समय खडेरी परेको वेला आजदेखि मौशममा फेरबदल आएको छ । सोमबार राती देखि जिल्ला सदरमुकाम सिमकोट लगायतका क्षेत्रमा आएको मौशममा परिवर्तन आएका कारण जिल्लामा निकै जाडो बढेको बताइएको छ । राती देखि बढेको जाडोका कारण उच्च स्थानमा सामान्य हिमपात परेको छ । मौषममा आएको परिवर्तनका कारण जाडो भएपछि जिल्लाका कार्यालयमा आगो तापेर काम गर्नुपर्ने अवस्था आएको छ ।

गएको एक दुई दिनमा जिल्लामा चिसो अत्याधिक बढेपछि हुम्लाका कार्यालयमा कर्मचारीले आगो ताप्दै नागरिकलाई सेवा दिइरहेका छन् । जिल्लामा चिसो बढेकाले यहाँका नागरिकको जनजिबन कष्टकर बनाएको छ । सिमकोटको तापक्रम बिहान माइनस १० सम्म पुगेको छ । चिसो बढेकाले जिल्लाका सबै सरकारी तथा गैरसरकारी कार्यालयमा आगो ताप्दै नागरिकलाई सेवा दिने गरेको जिल्ला हुलाक कार्यालयका निमिक्त प्रमुख अकल बमले बताउनु भएको छ ।

जिल्लामा पछिल्लो दुई दिनदेखी चिसो बढेकाले यहाँका नागरिकले बाक्लो कपडाको प्रयोग गर्ने गरेका छन । अत्याधिक चिसो बढेको हुदा कार्यालयको कामकाज गर्न समस्या बनाएको निमिक्त प्रमुख बमको भनाइ रहेको छ । उता जिल्ला अस्पतालमा पनि आगो बालेर बिरामीलाई सेवा प्रवाह गरिएको छ । अस्पतालमा भर्ना भएका बिरामीले आगो ताप्दै उपचार लिएका छन ।