हुम्लाका सरकारी कार्यालयको सयुक्त रुपमा शुक्रबार सार्वजनिक सुनुवाई हुने

सिमकोट 

जिल्ला प्रशासन कार्यालय हुम्लाको संयोजनमा जिल्ला स्थित सबै सरकारी कार्यालयको सार्वजनिक सुनुवाई हुने भएको छ । जसमा सामाजिक विकास कार्यालय, पूर्वधार विकासक कार्यालय, राष्ट्यि कृषि आधुनिकिकरण परियोजना कार्यान्वयन इकाई (स्याउजोन), खानेपानी, सिचाई तथा उर्जा विकास कार्यालय र कर्णाली करिडोर उत्तर खण्ड हिल्सा सिमकोट सडक योजना, आयुर्वेद स्वास्थ्य केन्द्र, कृषि विकास, पुर्वाधार विकास कार्यालय, पशु अस्पताल तथा पशु सेवा लगाएतका कार्यालयको आर्थिक वर्ष २०८२÷८३ पौष महिना सम्ममा  भए गरेका कार्य र अन्य विषयवस्तुको समेत सार्वजनिक सुनुवाई हुने प्रमुख जिल्ला अधिकारी टेक कुमार रेग्मीले  बताउनु भएको छ ।

। जिल्ला समन्वय समितिको सभा हलमा शुक्रबार २५ गतेका दिन सरकारी कार्यालयको सार्वजनिक सुनुवाई हुने भएकाले आम सेवाग्राहीलाई उपस्थितका लागि अनुरोध गरिएको छ ।
यि विभिन्न कार्यालयको सेवा प्रवाह, विकास निर्माण, विकासे योजना, आयोजनाका विषयमा चित्त नबुझेका कुरा राख्नका लागि हुम्लाका सबै नागरीक उपस्थितका लागि एक सुचना समेत जारी गरिएको छ । ठूला विकासे आयोजना भएका कार्यालयहरु भएकाले सबैको उपस्थित आवश्यक रहेको बताइएको छ ।

सुशासन व्यवस्थापन तथा सञ्चालन ऐन २०६४ र सम्बन्धित नियमावली २०६५ को नियम १९ अनुसार कार्यालयको काम, कारवाहीलाई स्वच्छ, पारदर्शी र वस्तुनिष्ठ बनाउनुका साथै सर्वसाधरण तथा सरोकारवालाको कानूनसम्मत सरोकारलाई सम्बोधन गर्नका लागि सार्वजनिक सुनुवाई कार्यक्रमको आयोजना गरिएको हो । प्रमुख जिल्ला अधिकारी टेक कुमार रेग्मीको अध्यक्षतामा पौष २१ गते दिउसो एक बजे बसेको बैठकले सार्वजनिक सुनुवाई गर्ने निर्णय गरिएको हो ।