५ सय ९५ सिट म्यादी प्रहरीको लागि ९ सय ३२ जनाको आवेदन अँझै आवेदन दिने समय २ दिन बाँकी

 
सिमकोट

आगामी फागुन २१ गते हुने प्रतिनिधि सभा निर्वाचनका लागि आवश्यक ५ सय ९५ जना म्यादी प्रहरीका लागि म्म ९ सय ३२ जनाको आवेलदन परेको छ । म्यादी प्रहरीका लागि आवेदन संकलन गरिरहेको जिल्ला प्रहरी कार्यालयले आज पाँचौ दिनसम्म उक्त सख्यामा आवेदन संकलन भएको जिल्ला प्रहरी कार्यालय हुम्लाका प्रहरी नायब उपरीक्षक शंकर खड्काले जानकारी दिनुभयो ।  उहाँका अनुसार निर्वाचन प्रहरी भर्ना, छनोट, नियुक्ति तथा परिचालनसम्बन्धी एकीकृत नेपाल प्रहरी–सशस्त्र प्रहरी बल, नेपाल  कार्यविधि, २०८२ अनुसार शुरु भएको भर्ना प्रक्रिया अन्तरगत उत्तः संख्यामा आवेदन परेको हो । आवेदन दिने समय आगामी माघ १ गतेसम्म भएकाले अँझै आवेदकको संख्या बढ्न सक्ने अनुमान जिल्ला प्रहरी कार्यालय हुम्लाले गरेको छ । जिल्लामा बेरोगार यूवायूवतीहरुको संख्या बढ्दै गएका कारण झण्डै एक हजार बढिको संख्यामा आवेदन दिने गरेको बताइएको हो । जिल्ला प्रहरी कार्यालय हुम्लाका प्रवक्ता इनिस्पेक्टर विष्णुप्रसाद श्रेष्ठका अनुसार आवेदन दिनेमा ६ सय ६८ जना पुरुष र २ सय ४६ जना महिला रहेका छन् ।  एक मात्र निर्वाचन क्षेत्र रहेको हिमाली जिल्ला हुम्लामा नेपाल प्रहरीतर्फ ५४९ जना र सशस्त्र प्रहरी बलतर्फ ४६ जना गरी कुल ५९५ जना निर्वाचन प्रहरी भर्ना गरिनेछ । आज मंगलबार सम्म ९ सय ३२ जनाले निर्वाचन प्रहरीका लागि आवेदन दर्ता गरेका छन । 
गएको पुस २५ गतेदेखि माघ १ गतेसम्म भर्नाका लागि आवेदन संकलन गरिनेछ । छनोट प्रक्रिया माघ ५ गतेदेखि ९ गतेसम्म सञ्चालन हुने छ । भने अन्तिम नतिजा माघ १२ गते प्रकाशित गरिने प्रहरी कार्यालयका सूचना अधिकारी श्रेष्ठले जानकारी दिनुभयो । छनोट भएका निर्वाचन प्रहरीलाई माघ १५ गतेदेखि २५ गतेसम्म अभ्याससहितको प्रशिक्षण प्रदान गरिने जनाइएको छ । निर्वाचन प्रहरी ४० दिनका लागि भर्ना हुनेछन् । 
आसन्न निर्वाचनमा जिल्लाभर तय गरिएका ६० वटा मतदान स्थल र ६४ वटा मतदान केन्द्रको सुरक्षाका लागि उत्तः म्यादी प्रहरी खटाइने निर्वाचन आयोगले जनाएको छ । आसन्न निर्वाचनमा जिल्लाभर ३४ हजार ३७२ जना मतदाताले मतदान गर्न पाउने भएका छन् ।