हुम्लामा मुख्य निर्वाचन अधिकृतको कार्यालय स्थापना

सिमकोट

आगामी फागुन २१ गते हुने निर्वाचनका लागि हुम्लामा शुक्रबार मुख्य निर्वाचन अधिकृतको कार्यालय औपचारिक रूपमा स्थापना गरिएको छ ।
मुख्य निर्वाचन अधिकृत तथा जिल्ला न्यायधिस निलकण्ठ पराजुलीले कार्यालयको उद्घाटन गर्दै निर्वाचन आयोगको कार्यतालिका अनुसार सम्पूर्ण प्रक्रिया अघि बढाइने जानकारी दिनुभएको छ ।
उहाँले निर्वाचन भयरहित, स्वतन्त्र र निष्पक्ष हुने विश्वास दिलाउँदै त्यसका लागि राजनीतिक दल, सुरक्षा निकाय, सञ्चारकर्मी र सर्वसाधारण सबैको सहयोग अपरिहार्य रहेको बताउनुभएको छ ।
एक कार्यक्रमका बीच मुख्य निर्वाचन अधिकृत पराजुलीले कार्यालय उद्घाटन गर्नुभएको हो । मुख्य निर्वाचन कार्यालय जिल्ला अदालत भित्रै स्थापना गरिएको छ ।
कार्यक्रममा मुख्य निर्वाचन अधिकृत पराजुलीले आफ्नो समापन मन्तव्यमा निर्वाचन कार्यमा सबै पक्षको सहयोगका लागि आग्रह गरेका थिए । मनोनयन दर्ता गर्ने मिति माघ ६ गतेबाट हुने े जानकारी दिनुभएको छ । 

उहाँले निर्वाचन सामूहिक रूपमा गरिने कार्य भएको उल्लेख गर्दै यसलाई सफलतापूर्वक सम्पन्न गर्ने प्रतिबद्धता व्यक्त गर्नुभयो । आजबाट औपचारिक रूपमा निर्वाचन सम्बन्धी कार्यक्रमहरू उक्त कार्यालयबाट सञ्चालन जानकारी दिनुभएको छ ।
कार्यक्रममा प्रमुख जिल्ला अधिकारी टेककुमार रेग्मी, सुरक्षा निकायका प्रमुख लगायतको उपस्थिती रहेको थियो ।
 जिल्ला निर्वाचन कार्यालयका प्रमुख भिम बहादुर रोकायाले निर्वाचन कार्यालय स्थापनापछि निर्वाचनसम्बन्धी प्रक्रियाका सबै काम निर्वाचन अधिकृतको कार्यालयबाट हुने बताउनु भएको छ । हुम्ला जिल्लामा जम्मा मतदाता संख्या ३४ हजार ३ सय ७२ जना रहेको बताउनु भएको छ ।