कृषकले ५० प्रतिशत व्यवस्थापन गर्न नसक्दा एचडिपी स्याउ बगैचा स्थापनाका लागी बिरुवा वितरण कायक्रम कार्यान्वयनमा चुनौती

सिमकोट

कृषकले व्यहोर्नु पर्ने ५० प्रतिशत रकम जोहो गर्न नसक्ने भएपछि राष्ट्यि कृषि आधुनिकिकरण कार्यक्रम, कार्यक्रम कार्यान्वयन इकाईको आर्थिक वर्ष २०८२÷८३ लागी छनोट भएकोे एचडिपी स्याउ बगैचा स्थापनाका लागी बिरुवा वितरण कायक्रम कार्यान्वयनमा चुनौती देपखएको छ । 

जिल्लाका कृषि फोम, सहकारी संस्था र निजि कृषक समुहले एचडिपी स्याउका विरुवाको लागी ५० प्रतिशत लगानी गर्न सक्ने अवस्था न्युन भएका कारण एचडिपी स्याउ बगैचा स्थापनाका लागी बिरुवा वितरण कायक्रम कार्यान्वयनमा चुनौती देखिएको राष्ट्यि कृषि आधुनिकिकरण कार्यक्रम, कार्यक्रम कार्यान्वयन इकाईका निमित्त कार्यालय प्रमुख उमेश फडेराले जानकारी दिनुभएको छ । चालु आर्थिक वर्ष  जिल्लाका लागि करिब १७ लाखको बजेट विनियोजन गरेको भएपनि कृषकले उक्त रकम जोहो गर्न नसक्ने भएपछि अहिलेसम्म कार्यक्रम कार्यान्वयन हुन नसकेको हो  । 

कार्यालयमा सुचिकृत तथा प्रस्तावना पेस गरेका कुषि समुह, सहकारी संस्था र निजि कृषि फोमले ५० प्रतिशत र कार्यालयले ५० प्रतिशत बेहोर्ने हुदा किसानले सम्झौता गर्न आएको तर ५० प्रतिशत रकम बेहोर्न नसक्ने भएका कारण कुनैपनि प्रस्तावकले अहिलेसम्म सम्झौता नगरेको निमित्त कार्यालय प्रमुख फडेराले बताउनु भएको । एचडिपी स्याउ जिल्ला बाहिरबाट खरिद गरेर ल्याउनुपर्ने हुदा ढुवानीमा पनि महङगो हुने गरेको छ । एक स्याउको विरुवाको करिब ११ सय सम्म पर्ने गरेको छ । कार्यालयले जिल्लाका नाम्खा, सिमकोट, खार्पुनाथ, सर्केगाड र चंखेली लगायत पाँच वटा गाउँपालिकालाई समेटेर काम गर्दै आएको छ ।