मानव अधिकार एलाइन्स हुम्लाको जिल्ला भेला तथा अन्तक्रिया सम्पन्न

सिमकोट

नेकपा एमालेको भातृ संगठन मानव अधिकार एलाइन्स हुम्लाको दोस्रो जिल्ला भेला तथा प्रतिनिधि सभाको चुनाव र नागरिक समाजको भुमिकाका बारेमा अन्तरक्रिया कार्यक्रम सम्पन्न भएको छ  । मानव अधिकार एलाइन्स हुम्लाका अध्यक्ष बेलुमाया महताराको अध्यक्षतामा आज दिउसो २ बजे भएको कार्यक्रममा नेकपा एमाले हुम्ला जिल्ला कमिटिमा नेता तथा कार्यकर्तासँगको अन्तरक्रिया कार्यक्रम भएको हो । नेकपा एमालेका नेता तथा कार्यकर्ताहरुलाई जम्मा गराई आउने आर्थिक वर्षमा मानव अधिकार उल्लघन तथा घटनाका बारेमा जानकारी गराउने काम गर्ने बताइएको छ । कार्यक्रममा प्रमुख अतिथी समेत रहनुभएका नेकपा एमालेका केन्द्रिय सदस्य, पाटी इन्चार्ज तथा हुम्ला जिल्ला निर्वाचनका संयोजक दल रावलले यो कार्यक्रम राखेकोमा मानव अधिकार एलाइन्स हुम्लालाई धन्यवाद दिनुभएको छ । नेकपा एमाले हुम्लाले जनवर्गिय संगठनको रुपमा मानव अधिकार एलाइन्सलाई स्विकार्यको बताउनु भयो । यो संगठनले आगामी फागुन २१ गते हुने प्रतिनिध सभाको निर्वाचनमा हुम्ली जनताले निष्पक्ष रुपमा मतदान गर्र्न वातावरण मिलाउन आग्रह गर्नुभयो । 

 यसैगरी मानव अधिकार एलाइन्स हुम्लाले आगामी फागुन २१ गते हुने प्रतिनिधि सभा सदस्य र समानुपातिकमा टिकट पाएका उम्मेदवारलाई बधाई तथा शुभकामना दिएको थियो ।