हुम्लामा यो वर्षको पहिलो हिमपात, किसान खुसी

सिमकोट
शुक्रबार राती देखी हुम्लामा हिमपात भएको छ । गएको असोज महिना यतादेखी हुम्लामा पानी परेको थिएन । लामो समयको  हिमपातले हुम्लाका किसानहरू खुसी भएका छन् । हिमपातले खडेरीले सुकेको जेठासी बाली र कात्तिके बाली लगाउन सहज हुने भएपछि किसान खुसी भएका छन । त्यसैगरी स्याउका बोट बिरुवा लगाउन पनि सहज हुने भएको छ । यो वर्षको पहिलो पटक हुम्लामा परेको हिउले सबै कुरामा राहत मिल्ने यहाँका नागरिकको भनाई रहेको छ ।  

लामो समय खडेरी परेको कारण लगाएका बिरुवा सुक्न थालेको समयमा हिमपात र वर्षा भएपछि अब बिरुवा हुर्किन सहज हुने भएका छन । यो हिमपातले जेठासी बाली जौ, गौ, उवा लगाएतका बालीनाली सप्रिने आसा पलाएको सिमकोट गाउँपालिका वडा नम्बर २ की किसान काली भण्डारीले बताउनु भएको छ । हुम्लामा पानी नपर्दा भोकमरी हुने चिन्तामा रहेकी भण्डारी शुक्रबार राती परेको हिउले यहाँका किसानलाई राहत मिल्ने बताउनु भएको छ ।

गएको असोज महिनाबाट जिल्लामा पानी गरेको थिएन । हिजो रातीबाट परेको हिउले एकै बाली नाली सप्रिने नभई बिरामी हुने संख्या पनि कम हुने भनाई सिमकोट गाउँपालिका वडा नम्बर ५ की राधिका रोकायाको भनाई रहेको छ । धुलो, धुवाले गाउँमा जताततै बिरामी हुने गरेका थिए । जेठासी बाली देखी लगेर कार्तिके बाली लगाउन सहज बनाएको रोकायाले बताउनु भयो ।

शुक्रबार राती जिल्लाका सबै क्षेत्रमा हिमपात भएको हो । जिल्लाको उत्तरी क्षेत्रको नाम्खा गाउँपालिकामा ३ फिट जती हिउ जमेको छ भने सिमकोटमा १ फिट भन्दा बढी हिउ जमेको थियो । जिल्लाको तल्लो क्षेत्रमा हिउसँगै पानी परेको हाम्रा सहकर्मीले जानकारी दिएका छन ।