सहिद परिवारलाई स्वागत तथा सम्मान गरी हुम्लामा ३१ औँ जनयुद्ध दिवस मनाइयो

सिमकोट

आज ३१ औँ जनयुद्ध दिवसका अवसरमा नेपाली कम्युनिष्ट पार्टीले हुम्लाका सबै पालिकामा विभिन्न कार्यक्रम आयोजना गर्दै यो दिवस मनाइएको छ । हुम्ला जिल्लामा ३१ औँ महान जनयुद्ध दिवसको अवसरमा सहिद परिवारलाई स्वागत तथा सम्मान गरि मनाइएको छ । नेपाल कम्युनिष्ट पार्टीले ३१ औँ जनयुद्धको अवसर पारि सहिद घर परिवारलाई नेपाल कम्युनिष्ट पाटिले स्वागत तथा सम्मान कार्यक्रम सञ्चालन गरेको हो । 

सदरमुकाम सिमकोट गाउँपालिकाले जिल्ला समन्वय समितिको सभा हलमा आज एक कार्यक्रमका विच सहिद परिवारका आफन्तहरुलाई स्वागत तथा सम्मान गरि सो कार्यक्रम मनाएको नेपाली कम्युनिष्ट पार्टी नेकपाका जिल्ला सचिव धर्मराज बोहराले बताउनुभयो । यसैगरी जिल्लाका सर्केगाड, अदानचुली, ताँजाकोट र चंखेली गाउँपालिकामा पनि विभिन्न कार्यक्रमको आयोजना गरी ३१ औँ जनयुद्ध दिवस मनाइएको विभिन्न ठाउँबाट हाम्रा सम्वाददाताले खबर पठाएका छन । 

जनयुद्धको अवसरमा चंखेली गाउँपालिकाले चर्चित देउडा कलाकार ईस्बल संज्याल र अदानचुली गाउँपालिकामा विपना सिंहलाई ल्याइएको छ । ०६२।६३ को जन आन्दोलनका क्रममा सहिद भएका जिल्लाका सहिद घरपरिवारलाई जनयुद्धको दिवसमा सम्मान गरिएको छ ।  वि.सं.२०५२ फागुन १ गते तत्कालीन नेकपा (माओवादी)ले सुरु गरेको जनयुद्ध दस वर्षसम्म चलेको थियो । राजतन्त्रको अन्त्य र नयाँ जनवादी व्यवस्था कायम गर्ने उद्देश्यसहित तत्कालीन नेकपा (माओवादी) ले २०५२ फागुन १ गते जनयुद्धको सुरुआत गरेको थियो ।