गर्भवती महिलाको आपतकालीन उद्धार

सिमकोट 

हुम्लाबाट एक गर्भवती महिलाको आपतकालीन उद्धार गरिएको छ । सिमकोट गाउँपालिका वडा नम्बर चार बुराँउसेकी २५ वर्षकी अस्मिता बुढा लामाको आज बिहान ८ बजे नेपाली सेनाको हेलिकप्टरबाट उद्धार गरिएको छ । २५ वर्षीया अस्मिता बुढा लामाको जिल्ला अस्पतालमा सुत्केरी गराउन नसक्दा शुक्रबार बिहान नेपाली सेनाको हेलिकोप्टर मार्फत उद्धार गरी प्रदेश अस्पताल सुर्खेत पुर्याइएको  छ 

जिल्ला अस्पतालमा गरिएको परीक्षणका क्रममा गर्भभित्र रहेको शिशुले दिशा खाइसकेको गम्भीर अवस्था देखिएपछि तुरुन्तै शल्यक्रिया गर्नुपर्ने भएकाले सुत्केरी बुढा लामाको जिल्ला बाहिर उद्धार गरिएको स्वास्थ्य सेवा कार्यालयका निमिक्त प्रमुख भिम बुढाले जानकारी दिनुभएको छ । 

जिल्ला अस्पतालमा शल्यक्रिया गर्न आवश्यक दुई जना चिकित्सक भए पनि दुवै जना जिल्ला बाहिर रहेकाले तत्काल सेवा उपलब्ध हुन नसकेको निमिक्त प्रमुख बुढाले बताउनु भयो ।
उक्त आपतकालीन उद्धार महिला, बालबालिका तथा ज्येष्ठ नागरिक मन्त्रालय अन्तर्गत सञ्चालन भइरहेको ‘राष्ट्रपति महिला उत्थान कार्यक्रम’ मार्फत गरिएको हो।

दुर्गम कर्णालीमा स्वास्थ्य पूर्वाधारको अभाव र जनशक्तिको कमीले अझै पनि जटिल अवस्थाका बिरामीहरूलाई यस्तो जोखिमपूर्ण परिस्थितिमा पु¥याउने गरेको छ । यस्ता हवाई उद्धारहरू यहाँका नागरिकका लागि जीवन र मृत्युबीचको अन्तिम आशा बन्ने गरेका छ ।