विश्व रेडक्रस दिवसका अवसरमा सिमकोटमा सरसफाइ कार्यक्रम सम्पन्न

सिमकोट
आज मे ८ का दिन विश्वभर “मानवताका लागि एकबद्ध होऔँ भन्ने नाराका साथ विश्व रेडक्रस दिवस मनाइएको छ । रेडक्रसका जन्मदाता को जन्मदिनको अवसर पारेर हरेक वर्ष यो दिवस मनाइँदै आइएको हो ।

दिवसको अवसरमा सिमकोटस्थित रानीवन सिमसार क्षेत्रमा सरसफाइ कार्यक्रम सम्पन्न गरिएको छ । कार्यक्रममा रेडक्रसकर्मी, स्थानीयवासी, युवा तथा विभिन्न संघसंस्थाका प्रतिनिधिहरूको सहभागिता रहेको थियो ।

सरसफाइ कार्यक्रम मार्फत सिमसार क्षेत्रलाई स्वच्छ र वातावरणमैत्री बनाउने उद्देश्य राखिएको नेपाल रेडक्रस हुम्लाका मन्त्री अर्जुन बोहराले जानकारी दिनुभएको छ । सहभागीहरूले वातावरण संरक्षणसँगै सामाजिक सेवामा सबैको साझा जिम्मेवारी रहने बताएका थिए ।

विश्व रेडक्रस दिवसका अवसरमा मानवता, सेवा, सहकार्य र विपद्का समयमा सहयोगको भावनालाई अझ सशक्त बनाउने उद्देश्यले विभिन्न सचेतनामूलक कार्यक्रमहरू सञ्चालन गरिँदै आएका छन् । उक्त सरसफाई कार्यक्रममा जिल्लाका सरोकारवाला निकाय, सुरक्षाकर्मी, राजनितिक दल, नागरिक समाज र सञ्चारकर्मीको उपस्थीत रहेको थियो ।