हुम्लामा एसईईमा ४७.६६ प्रतिशत विद्यार्थी उत्तीर्ण

सिमकोट
हुम्लामा यस वर्षको माध्यमिक शिक्षा परीक्षा (एसईई)मा ४७.६६ प्रतिशत विद्यार्थी उत्तीर्ण भएका छन । राष्ट्रिय परीक्षा बोर्डले सोमबार सार्वजनिक गरेको नतिजा अनुसार जिल्लामा सहभागी परीक्षार्थीमध्ये सो प्रतिशत विद्यार्थी उत्तीर्ण भएको शिक्षा विकास तथा समन्वय इकाइका निमित्त प्रमुख खड्क बहादुर हमालले जानकारी दिनुभएको छ ।  यस वर्ष हुम्लाबाट एसईई परीक्षामा ९ सय ५० जना विद्यार्थी सहभागी भएका थिए । तीमध्ये ग्रेडेडतर्फ ४ सय ६९ जना तथा ननग्रेडेडतर्फ ४ सय ८१ जना विद्यार्थी सहभागी रहेका थिए । 

नतिजाअनुसार जिल्लामा ८ जना विद्यार्थीले ४ जिपिए प्राप्त गरेका छन् । त्यसैगरी ३.६० जिपिए ल्याउने विद्यार्थी संख्या ५६, ३.२० जिपिए ल्याउने २ सय २०, २.८० जिपिए ल्याउने १ सय ७० तथा र २.४० जिपिए ल्याउने १५ जना रहेका छन् ।

निमित्त प्रमुख हमालले जिल्लाको यस वर्षको एसईई नतिजा सन्तोषजनक नभएको बताउनु भएको छ ।  उहाँले नतिजाले हुम्लाको शिक्षा क्षेत्रमा थप सुधार गर्नुपर्ने आवश्यक रहेको संकेत गरेको उहाँले भनाई रहेको छ । यस वर्षको एसईई परीक्षा गत चैत १९ गतेदेखि २९ गतेसम्म सञ्चालन गरिएको थियो ।