सवारी चालक तथा सरोकारवालासँग ट्राफिक सचेतना कार्यक्रम सञ्चालन

सिमकोट
हुम्लामा सञ्चालन हुने सवारी चालक तथा सरोकारवालाका लागी ट्राफीक सचेतना सम्बन्धी एक दीने कार्यक्रम सञ्चालन गरिएको छ । आधार नेपाल हुम्लाको आयोजनामा साना तथा मालवाहक सवारी चालकलाई लक्षित गर्दै ट्राफिक नियम पालना सम्बन्धी तालिम सञ्चालन गरिएको हो ।

हुम्ला भर्खरै राष्ट्रयि सडक सञ्जालसँग जोडिएकाले सवारी साधनको चाप बढ्दै गएको र दुर्घटनाको जोखिम समेत उच्च रहेको अवस्थामा चालकलाई ट्राफकि नियमको पालना गरी सुरक्षित रूपमा सवारी सञ्चालन गर्न आग्रह गरएिको आयोजकले जनाएको छ ।

कार्यक्रममा जिल्ला प्रहरी कार्यालय हुम्लाका प्रहरी उपरीक्षक शंकर खड्काले सवारी दुर्घटना रोकथाम तथा न्यूनीकरणका उपायबारे जानकारी गराउनुभएको थियो । उहाँले सवारीको उद्देश्य, ट्राफिकको अर्थ, रोड मार्किङको परचिय, सवारी साधनको परिभाषा तथा वर्गीकरण, सजाय र कानुनी व्यवस्था लगायत सवारी तथा यातायात व्यवस्था ऐन २०४९ सम्बन्धी विषयमा सहजीकरण गर्नुभएको थियो ।

त्यसैगरी ट्राफिक संकेतहरूको प्रयोग तथा महत्वबारे जानकारी दिदै हुम्लामा सञ्चालन हुने सवारी साधनमा कालो सिसा प्रयोग नगर्न चालक तथा सवारी धनीलाई आग्रह गरिएको थियो ।

आधार नेपाल हुम्लाका शिक्षा अधिकृत कुञ्जोक लामाले हुम्लामा पहिलो पटक सवारी चालकलाई ट्राफिक नियम सम्बन्धी प्रशिक्षण कार्यक्रम सञ्चालन गरिएको बताउनुभयो । उहाँले यस्ता कार्यक्रमले चालकलाई जिम्मेवार र सचेत बनाउन सहयोग पुग्ने विश्वास व्यक्त गर्नुभयो ।