आइतबार सिमकोटमा सञ्चालित घुम्ती शिविरबाट १ सय २८ जना लावाम्भीत, १७ जनाको रिफर

सिमकोट।  जिल्ला अस्पताल सिमकोटमा सञ्चालित स्वास्थ्य तथा अपाङ्गता परिक्षण घुम्ती शिविर सञ्चालन गरिएको छ ।

आइतबार जिल्ला अस्पताल हुम्लामा सञ्चालन गरिएको उक्त शिविरबाट एक सय २८ जना लाभान्वित भएका छन् । शिविरमा विभिन्न प्रकारका शारीरिक तथा जन्मजात समस्याबाट पीडित बालबालिकाको परीक्षण, उपचार तथा परामर्श समेत दिने काम भएको हो । 

शिविरमा लडेर, आगोले पोलेर वा जन्मजात अपाङ्गता भएका वालवालिकाहरुलाई प्लाष्टर गर्ने,  थप उपचारका लागि रिफर गर्ने र घरमै अभ्यास गराउने जस्ता कामहरु भैहरका छन् । भौगोलिक विकटताका कारण लड्दा भाँच्चीएका हातखुटहरुको समयमा उपचार नपाएका, आगोले पोलिएका, जन्मजात पैताला बांगो भएका तथा मानसिक अवस्था कमजोर भएका बालबालिकाको परिक्षण गर्दै बिरामको प्रकृतीका आधारमा फिजियोथेरापीको अभ्यास, प्रारम्भीक उपचार र थप उपचारका लागि रिफर गर्ने काम शिविरमा भैरहेको अपाङ्ग बाल अस्पताल बनेपाकी चिकित्सक छुनिरा खड्काले बताउनु भयो । 
 
यहि जेठ ३ गते आइतबार शुरु भएको शिविरमा  एक सय २८ जनाले स्वास्थ्य परीक्षण तथा औषधि उपचार सेवा लिएका छन् । यसैगरी १७ जनालाई थप उपचारका लागि बनेपास्थित अपाङ्ग बाल अस्पतालमा रेफर गरिएको छ ।