हुम्ला र बाजुराको सिमा विवाद थप पेचिलो बन्दै,आक्रोसित दुवैतर्फका स्थानीय वासिन्दा सिमा क्षेत्रमा

सिमकोट
हुम्ला र बाजुराको सिमानामा पर्ने लाम्पाटा, च्याचौर, रानीसैन लगायतका क्षेत्रमा देखिएको विवाद थप पेचिलो बन्दै गएको छ । दुवै जिल्लाका नागरिक र सरकारले आप्mनो दावी गर्दै दलबलसहित सम्बन्धित क्षेत्रमा जाने उपस्थिती देखाउन थालेपछि दुइ जिल्लाको सिमा विवाद थप पेचिलो बन्न थालेको हो  । 

लामो समयदेखि हुम्लाले भोकचलन गर्दै आएको उक्त क्षेत्रमा बाजुरा जिल्लाको तर्फबाट प्रहरी चौकी स्थापनाको प्रक्रिया अघि बढेपछि जिल्लाका स्थानीय तहका प्रमुख गएको वैशाख २४ गते जिल्ला प्रशासन कार्यालयमार्फत प्रधानमन्त्रीलाई उक्त क्षेत्र हुम्लाको दावी गर्दै ज्ञापन पत्र बुझाएपछि विवादले औपचारिक रुपमा धारण गरेको थियो । भित्रि रुपमा बाजुराले उक्त क्षेत्र आप्mनो दावी सहित जिल्ला प्रशासन कार्यालयमार्फत प्रहरी चौकी स्थापना गरेर औपचारिक रुपमा आप्mनो पटक कायम गर्ने नीतिगत कार्य अघि बढाएपछि हुम्लाका स्थानीय तह र नागरिकहरु आक्रोशित भएपछि विवाद उत्कर्षमा पुगेको हो  । 

सात वटा स्थानीय तह भएको हुम्लाका गाउँपालिका मध्ये ६ वटाको सिमाना जोडिएको हुम्लाका गाउँपालिका अध्यक्ष उपाध्यक्ष र वडा अध्यक्षले औपचारिक रुपमा सिमाना आप्mनो दावी गर्दै सरकारलाई प्रहरी चौकी स्थापना कार्यलाई स्थगन गर्न माग गरेपछि यो विवाद दुई जिल्लाको सामुहिक विवादको विषय बनेको हो  । पुर्खौदेखि आप्mनो वडाको सिमा क्षेत्र बाजुराले दावी गरेपछि खार्पुनाथ गाउँपालिकाको वडा नम्बर २ थालीले गृहसचिवलाई  पत्र लेख्दै दुई जिल्लाको सिमा विवादलाई समाधानका लागि पहल गरिदिन आग्रह गर्नु भएको छ । उहाँलाई २०५३ सालमै थाली सामुदायिक वन मार्फत उक्त क्षेत्र भोक चलन गर्दै आएको र हाल थला सामुदायिक वनको नाममा दर्ता भएकाले उक्त क्षेत्र आप्mनो भएको दावी वडा अध्यक्ष चन्द्र रावलले गर्नु भएको छ । 

यसैगरी खार्पुनाथ २ को थला सामुदायिक वन उपभोक्ता समितिले पनि औपचारिक निर्णय गर्दै उक्त वन क्षेत्र आप्mनो भूभागमा पर्ने भएकाले बाजुराले गर्न लागेको अतिक्रमण रोक्न आग्रह गरेको समितिका अध्यक्ष देवराज रावलले जानकारी दिनुयभो । 

सिमा विवादका कारण दुवै जिल्लाबीच संभावित सुरक्षा चुनौतीलाई मध्येनजर गर्दै हुम्ला प्रहरीले प्रहरी उपरिक्षक नेतृत्वमा सुरक्षाकर्मी परिचालन गर्ने भएको छ । दुई जिल्ला बीच औपचारिक रुपमा विवाद नआएपनि विगतमा समेत सुरक्षा चुनौती भएको उल्लेख गर्दै जिल्ला प्रहरी कार्यालय हुम्लाका प्रमुख प्रहरी नायव उपरिक्षक शंकर खड्काले संभावित सुरक्षा चुनौतीलाई मध्येनजर गर्दै हुम्लाकोतर्फबाट प्रहरी निरिक्षक युवराज ढकालको १५ सदस्यीय टोलीको नेतृत्वमा लाम्पाटा क्षेत्रमा टोली परिचालन गरिएको प्रमुख जिल्ला अधिकारी टेक कुमार रेग्मीले जानकारी दिनुभएको छ ।