सडक खन्ने क्रममा स्काभेटर पल्टिदा चालकको घटना स्थलमै मृत्यु

सिमकोट, हुम्ला । 

सर्केगाड गाउँपालिकाको वडा नम्बर ६ को बराईको भित्री सडक खन्ने क्रममा स्काभेटर पल्टिदा चालकको घटना स्थलमै मृत्यु भएको छ । बिहिबार राती १२ बजे सडक खन्ने क्रममा स्काभेटर सडक भन्दा करिब ५० मिटर तल खस्दा दैलेख घर भई हाल बर्दियामा बस्दै आएका अन्दाजी २५ वर्षका कृष्ण रावतको घटना स्थलमै मृत्यु भएको जिल्ला प्रहरी कार्यालयका सुचना अधिकारी बिष्णु प्रसाद श्रेष्ठले बताउनु भएको छ ।

जिल्ला प्रहरी कार्यालयमा जानकारी आउने बिक्तिकै जिल्ला प्रहरी कार्यालय सिमकोटबाट प्रहरी निरिक्षक जंग बहादुर सिंहको कमाण्डमा अनुसन्धान टोली त्यस तर्फ गएको सुचनाा अधिकारी श्रेष्ठले बताउनु भयो । घटना हुने बित्तिकै सर्केगाड प्रहरी चौकीको टोली घटना स्थलमा पुगेको जानकारी प्राप्त भएको छ ।