सडक माथिबाट ढुङगा खस्दा एक किशोरीको घटना स्थलमै मृत्यु

सिमकोट, हुम्ला ।

हुम्लाको कर्णाली करिडोरको सडकको माथिबाट ढुङगा खस्दा एक किशोरीको घटना स्थलमै मुत्यु भएको छ । आज बिहान करिब साढे १० बजेको समयमा कर्णाली करिडोरमा पर्ने थाग्ना भन्ने स्थानमा माथिबाट ढुङगा खस्दा १५ बर्षीया पवित्रा साउदको घटना स्थलमै मृत्यु भएको जिल्ला प्रहरी कार्यालय हुम्लाले जनाएको छ ।

सर्केगाड ४ गैरीसाँयाका रन्न साउँदकी १५ वर्षीया छोरी पवित्रा साउद गाई गोरु चराउन जाँदा माथिबाट खसेरको ढुङगा लागेर मृत्यु भएको हो । साउदलाई गम्भीर चोट लागी घटना स्थल मै मृत्यु भएको जिल्ला प्रहरी कार्यालय हुम्लाका सुचना अधिकारी विष्णु प्रसाद श्रेष्ठले जानकारी दिनुभएको छ । साउद आज शनिबार बिदाका दिन गाई गोरु चराउन जङल गएकी थिइन । लासको प्रहरीले मुचुल्का गरिरहेको जानकारी प्राप्त भएको छ ।