तिन दिनदेखि १५ वर्षिय किशोर बेपत्ता, खोजी कार्य गरिदिन परिवारको अपिल

हुम्ला ।
तिन दिनदेखि एक जना १५ वर्षका किशोर बेपत्ता भएका छन । हुम्लाको सर्केगाड गाउँपालिका वडा नम्बर २ रिपका स्थानिय बासिन्दा माग्लु कार्कीका १५ वर्षका छोरा माउन्टेन कार्की हराएको जानकारी आफन्तले दिएका छन । कार्कीका स परिवार हाल मुगुको रातापानीमा बस्दै आएका छन ।

छोरा मुगु जिल्लाको खत्याड गाउपालिका वडा नम्बर ११ रातापानी  स्थित महादेव मष्टा नमूना माध्यमिक विद्यालयमा  कक्षा–१० मा अध्ययन गर्दै आएको बवा माग्लु कार्कीले बताउनु भएको छ । बुवा सोही विद्यालयका शिक्षक समेत रहनु भएको छ । कार्की ३ दिन देखि सम्पर्क विहिन भएकाले कहिकतै देख्नु र भेट्नु हुने महानुभावले सम्पर्क गरि दिन हुन अनुरोध छ ।

असार आठ विहान ६ बजे घर बाट निस्केका कार्की तिन दिन हुदासम्म पनि परिवारको सम्पर्कमा नआएको बुवा माग्लु कार्कीले बताउनु भयो । फोन पनि अफ गरिएको छ । भेटाउनु हुने महानुभावले बुवा माग्लु कार्कीको फोन नम्बर ९८६८२२७६५६ मा सम्पर्क गरिदिन अपिल समेत गरिएको छ । खोजी कार्यका लागी प्रहरी चौकी मुगलाई पनि अनुरोध गरिएको र आफन्तले पनि खोजी कार्य जारी राखेका छन ।