महाबौद्ध माध्यमिक विद्यालयको आधारभुत तहमा कक्षा बुक कर्नर सञ्चालन

नाम्खा । हुम्लाको नाम्खास्थित महाबौद्ध माध्यमिक विद्यालयमा विद्यार्थीको पढ्ने बानीको विकाससँगै अतिरिक्त ज्ञान अभिवृद्धि गर्ने उद्देश्यले कक्षा बुक कर्नर सञ्चालनमा ल्याइएको छ । आधार विकास नेपालद्धारा विद्यालयको आधारभूत तह अन्तर्गत कक्षा १ देखि ५ सम्मका विद्यार्थीलाई लक्षित गरी कक्षा कोठा मै पुस्तक पढ्ने सुविधा उपलब्ध गराइएको हो ।

कक्षा बुक कर्नरमा आधारभूत तहका कक्षागत किताबका साथै विभिन्न विषय र विधाका सन्दर्भ पुस्तकहरू प्रदर्शनमा राखिएको छ । विद्यार्थीले आफूलाई मन परेको पुस्तक छनोट गरी कक्षाकोठा मै पढ्न सक्ने व्यवस्था गरिएको विद्यालयका प्रधानाध्यापक श्रीधर कार्कीले बताउनुभयो ।

विद्यार्थीलाई सहज रूपमा पुस्तक पढ्ने वातावरण सिर्जना गर्ने उद्देश्यले विद्यालयमा ५ वटा कक्षा बुक कर्नरका ¥याक राखिएका छन् । ती ¥याकमा ३०० भन्दा बढी पुस्तक उपलब्ध गराइएको विद्यालयले जनाएको छ ।  यसले विद्यार्थीमा पाठ्यपुस्तक बाहेक अन्य ज्ञानमूलक तथा सिर्जनात्मक सामग्री पढ्ने रुचि बढाउन सहयोग पुग्ने अपेक्षा गरिएको आधार विकास नेपाल हुम्लाका शिक्षा संयोजक कञ्जोक लामाले बताउनुभयो । 

बुक कर्नरका लागि आवश्यक ¥याक तथा पुस्तक आधार विकास नेपालको सहयोगमा उपलब्ध गराइएको हो । उक्त सहयोग अन्तर्गत विद्यार्थीका लागि विभिन्न विषयवस्तु समेटिएका पुस्तकहरू राखिएका छन । जसमा प्यारा साथी, स्याउ र सालिग्राम, भरिया र आँप, पानी मेरो साथी, कौवा र सुन्दरी परेवी लगायतका पुस्तक रहेका छन् । विद्यालयका प्रध्यानध्यापक कार्कीका अनुसार कक्षाकोठा मै पुस्तक उपलब्ध भएपछि विद्यार्थीले खाली समयको सदुपयोग गर्दै आफ्नो रुचि अनुसारका पुस्तक पढ्न पाउनेछन् । 

यसबाट उनीहरूको पढ्ने संस्कारको विकास हुनुका साथै भाषा, कल्पना शक्ति, सिर्जनशीलता र सामान्य ज्ञानमा समेत सुधार आउने विश्वास गरिएको छ । प्रधानाध्यापक कार्कीले विद्यालयमा पुस्तक पढ्ने संस्कारलाई थप व्यवस्थित र प्रभावकारी बनाउन बुक कर्नरले महत्वपूर्ण भूमिका खेल्ने बताउनुभयो । विद्यार्थीलाई किताबसँग नजिक बनाउँदै ‘पढ्ने बानी, ज्ञानको खानी’ भन्ने भावनालाई व्यवहारमा उतार्न यो सुविधा उपयोगी हुने उहाँको भनाइ रहेको छ । साथै बुक कर्नर सहयोग गर्ने आधार विकास नेपाल संस्थालाई धन्यवाद समेत दिनुभएको छ । यो संस्थाले जिल्लाका बालबालकिाको गुणस्तरिय शिक्षा प्रदान लागी निकै नै भुमिका खेल्दै आएको छ ।