नेभिगेशन
समाज

अदानचुलीको ‘भेरा’ पहिरो अपडेटः १८ बाख्रा अँझै बेपत्ता, बिरामी सुर्खेत, सुरक्षाकमी करगई गाउँ 

सिमकोट । ‘भेरा’मा गएको पहिरोमा १८ बाख्रा बेपत्ता भएका छन् । 

आइतबार बिहान ११ बजे अदानचुली गाउँपालिका–५ को ‘भेरा’मा गएको पहिरोमा परेर बेपत्ता भएको आसंका गरिएका ७२ बाख्रा मध्ये ४७ को जंगलको अन्यत्र भागेर गएको अवस्थामा, ७ बाख्रामा पहिरो पञ्छाउँदा मरेको अवस्थामा फेला परेपछि १८ पहिरोमै छोपिएको स्थानीय दिपबहादुर रोकायाले जानकारी दिनुभयो । 

पहिरोमा छोपिएको आशंका गरिएका बाख्राको खोजिकार लागि आज (सोमबार) बिहानै देखि पहिरो स्थल ‘भेरा’ पुगेका रोकायाले भन्नुभयो, ‘बिहान अँध्यारै देखि खोज्दा जंगलका विभिन्न ठाउँमा रहेका ४७ बाख्रा भेटायौ । ति मध्ये ३ वटा पहिरोका ढोल (ढुंगा) लागेर बिरामी अवस्थामा छन् । खर्क भएको स्थानमा पहिलो पञ्छाउँदा ७ बाख्रा मात्रै मरेका निकाल्न सकियो । अरु १८ वटा बाख्राको कुतै पत्तो छैन् । पहिरोमै पुरिए होलान भनेर आश मारेर घर फर्कियौं ।’

निकै माथिबाट खसेको पहिरोले धेरै ठूलो भएको बताएका रोकायाका अनुसार उनका सवदर दाजु करगइ गाउँका बिरवल रोकाया र टेकबहादुर शाहीका कति कति हुन् भन्ने अँझै एकिन गर्न सकिएको छैन् । 

पहिरोमा छोपिएका बाख्राहरुको खोज उद्धारका लागि बिहान गाउँबट गएका यूवाहरुको टोली मरेका ७ बाख्रा ल्याएर फर्किरहेको रोकायाले जानकारी दिनुभयो ।

थप उपचारका लागि बिरामी शाही सुर्खेत रिफर
पहिरोमा परेर गम्भीर घाइते भएका टेकबहादुर शाहीलाई स्थानीय श्रीनगर स्वास्थ्य चौकीमा उपचार संभव नहुने भएपछि थप उपचारका लागि सुर्खेत रिफर गरिएको छ । 

आइतबार वेलुका श्रीनगर स्वास्थ्य चौकी पुर्‍याइएका शाहीलाई आज बिहान कर्णाली प्रदेश अस्पताल सुर्खेत लगिएको श्रीनगर स्वास्थ्य चौकीका रामशरण थापाले जानकारी दिनुभयो । 

माथिबाट आएको पहिरोले शाहीको टाउकोमा गम्भीर चोट लागेकाले पछिसम्म असर नहुने गरी उपचार होस् भन्ने हेतुले रिफर गरिएको थापाले बताउनुभयो । 

आइतबार राती पुगेका शाहीको बाहिर देखिएको चोटको प्रारम्भीक उपचार गरेको बताएका थापाले आज बिहानै प्रदेश अस्पताल सुर्खेतका लागि पठाइएको बताउनुभयो । 

स्थलगत मुचुल्का उठाउन प्रहरी गाउँमा
‘भेरा’मा गएको पहिरोबाट भएको क्षतीको स्थलगत मुचुल्का उठाउने प्रहरी करगई गाउँ पुगेको छ । घटना घटेको दुई दिन पछि क्षतीको विवरण संकलन गरेर एकिन गर्न गएको गल्फागाड प्रहरी चौकी घटना स्थलमा पुग्न नसकेर गाउँमा पुगेको हो । 

‘बिहानै देखि हामीलाई  तपाईहरु कतिखेर आउनु हुन्छ भनेर प्रहरीले फोन गरेका गरेइ छन्’, पहिरोमा परेका बाख्राको खो उद्धार गर्न पहिरो स्थल पुगेको करगइका एक स्थानीयले आप्mनो नाम नखुलाउने सर्तमा भन्भुभयो ‘टाढा भयो अब हामी आएर के गर्नुछ । माथि पठाउने फोटा पनि खिचेर ल्याई दिनु हामी तपाईको गाउँमा कुरेका छौं भनेका छन् । हामीले पनि पहिरो स्थलका केहि फोटा र भिडियो खिचेका छौं । गएर दिनु पर्ला ।’

मरेका बाख्रा पिठ्युमा बोकेर गाउँतर्फ आउदै गरेको बताउनु भएका शाही थर भएका स्थानीयका अनुसार तत्काल उद्धारमा लाग्ने प्रहरीले नैं त्यसो भनेपछि आफूहरुलाई प्रकृती प्रकोप पर्दा भगवान भरोसा बाहेक केहि नहुने चिन्ता बढेको बताउनुभयो ।
 
क्षतीको विवरण समेत प्रहरीको स्थलगत मुचुल्का नआउञ्जेलसम्म आधिकारिक नहुने कानूनी प्रक्रिया भएकाले अँझै पहिरोले पारेको क्षती एकिन हुन सकेको छैन् ।  

प्रकाशित मिति:
प्रतिक्रिया दिनुहोस्
थप समाज
लिप्ने खोलामा पुल निर्माण गर्ने सांसद हर्क साम्पाङको प्रतिबद्धता

लिप्ने खोलामा पुल निर्माण गर्ने सांसद हर्क साम्पाङको प्रतिबद्धता

सर्केगाड गाउँपालिका वडा नम्बर २ को लिप्ने खोलामा पुल निर्माणका लागि सांसद हर्क साम्पाङले प्रतिबद्धता जनाउनुभएको छ । स्थानीयवासी, जनप्रतिनिधि तथा गाउँका अगुवाहरूले आवतजावतमा सहजता ल्याउन पुल निर्माणको...
हुम्लाका विकास आयोजना प्राथमिकतामा राख्छौँ , मन्त्री मल्ल

हुम्लाका विकास आयोजना प्राथमिकतामा राख्छौँ , मन्त्री मल्ल

कर्णाली प्रदेश सरकारका सामाजिक विकासमन्त्री जितबहादुर मल्लले हुम्लाका विकास निर्माणका कामलाई प्राथमिकतामा राखेर अघि बढाउने प्रतिबद्धता व्यक्त गर्नुभएको छ । सङ्घीयताको मर्मअनुसार कर्णाली प्रदेशका १० वटै जिल्लामा प्रदेश...
 चंखेलीमा वाल संरक्षणा कार्यशाला सम्पन्न 

 चंखेलीमा वाल संरक्षणा कार्यशाला सम्पन्न 

वाल संरक्षण, शिक्षा, स्वास्थ्य, कृषि तथा आयाआर्जन र विपत् व्यवस्थापन गरेर पाँच समुहमा गरिएको छलफलमा पालिकाका जनप्रतिनिधि र कर्मचारीले लिखित रुपमा आप्mना आवश्यकता उल्लेख गर्ने काम गरेको कार्यशालाका...
कर्मफ्लाइट्स फाउण्डेशनले सिमकोटका पन्ध्र सय बालबालिकालाई  न्यानो कपडा सहयोग गर्ने

कर्मफ्लाइट्स फाउण्डेशनले सिमकोटका पन्ध्र सय बालबालिकालाई न्यानो कपडा सहयोग गर्ने

वालवालिकाका क्षेत्रमा काम गर्दै आएको कर्मफ्लाइट्स फाउण्डेशन नेपालले सिमकोट गाउँपालिकाका १७ विद्यालयका १ हजार पाँच सय विद्यार्थीका लागि ज्याकेट, जुत्ता र मोजा उपलब्ध गराउने सम्झौता अनुसार उक्त सामाग्र...