युवा दिवसमा रास्वपाद्धारा बजार सरसफाइ तथा बिरामीलाई फ्रुटी वितरण  

सिमकोट । अन्तर्राष्ट्रिय युवा दिवसको अवसरमा सञरुढ दल राष्ट्रिय स्वतन्त्र पार्टी ९रास्वपा० हुम्लाले सिमकोट बजार सरसफाइ देखि बिरामीलाई फ्रुटी वितरणका कार्यक्रम गरेको छ । 

रास्वपाको जिल्ला कार्यसमिति र सिमकोट गाउँपालिका कार्यसमितिले संयुक्त आयोजना गर्दै बुधबार सिमकोट बजार सरसफाइ गरेको हो । 

अन्तर्राष्ट्रिय युवा दिवसका अवसरमा रचनात्मक काम गरेर मनाउने लक्ष्य अनुसार पार्टीका नेता तथा कार्यकर्ता  र जिल्लास्थित सुरक्षाकर्मीको सहभागितामा सिमकोट एयरपोर्ट चोकदेखि तल्लो बजारस्थित वन कार्यालयसम्मको सडक तथा आसपासका क्षेत्रमा सरसफाइ गरिएको छ ।

युवा दिवसलाई औपचारिक कार्यक्रमका रूपमा सीमित नगरी सामाजिक उत्तरदायित्व र समुदायप्रतिको जिम्मेवारीसँग जोड्ने उद्देश्यले बजार सरसफाइ कार्यक्रम आयोजना गरिएको रास्वपा हुम्लाले जनाएको छ । 

सरसफाइका क्रममा बजार क्षेत्रका सडक तथा सार्वजनिक स्थानमा जम्मा भएका फोहोर संकलन गरी व्यवस्थापन गरिएको उक्त पार्टीका जिल्ला सभापति लक्ष्यमण ऐडिले जानकारी दिनुभयो । 

उनका अनुसार आजै जिल्ला अस्पतालमा उपचार गरिरहेका बिरामी तथा कार्यरत स्वास्थ्यकर्मीलाई बिस्कुट र फ्रुटी समेत वितरण गरेको छ । करिब १ सय जना बिरामी तथा स्वास्थ्यकर्मीलाई उक्त सामग्री वितरण गरिएको सभापति ऐडीले बताउनुभयो  ।  

'युवा दिवसको अवसरमा युवाहरूलाई सामाजिक सेवामा सक्रिय बनाउने र समुदायप्रतिको जिम्मेवारीबोध गराउने उद्देश्यले सरसफाइ तथा सहयोग कार्यक्रमको आयोजना गरेका हौ', ऐडिले भन्नुभयो, 'पार्टीको तर्फबाट आगामी दिनमा पनि सामाजिक तथा जनहितका गतिविधिलाई निरन्तरता दिने योजना छ ।'