नाम्खा गाउँपालिकाद्धारा नाम्ख्युङ महामाया आधारभूत विद्यालयलाई स्टिल टेबल र कुसी सहयोग

सिमकोट ।    नाम्खा गाउँपालिकाले नाम्ख्युङ महामाया आधारभूत विद्यालयलाई ४५ वटा स्टिल तथा कुर्सी सहयोग गरेको छ । विद्यालयमा आवश्यक फर्निचरको अभावका कारण विद्यार्थीलाई पठनपाठनमा असहज हुँदै आएको अवस्थामा गाउँपालिकाले सहयोग गरेपछि विद्यार्थीलाई पठनपाठनमा सहज हुने भएको हो । विद्यालयका प्रधानाध्यापक पाद्मा लामाका अनुसार गाउँपालिकाबाट ४५ वटा स्टिल टेबल तथा कुर्सी सहयोग प्राप्त भएको बताउनुभयो । विद्यालयमा विद्यार्थीको संख्या बढ्दै जाँदा आवश्यक फर्निचरको अभाव देखिएको थियो । गाउँपालिकाको सहयोगपछि कक्षाकोठामा विद्यार्थीलाई बस्न तथा अध्ययन गर्न सहज हुने प्रधानाध्यापक लामाले बताउनुभयो ।

विद्यालयमा आवश्यक शैक्षिक सामग्री तथा भौतिक पूर्वाधारको व्यवस्थापन हुन सकेमा विद्यार्थीको सिकाइ वातावरण थप प्रभावकारी बन्ने विद्यालयको अपेक्षा छ । गाउँपालिकाको सहयोगले विद्यालयको दैनिक पठनपाठनमा समेत सकारात्मक प्रभाव पर्ने बताइएको छ । विद्यालयले आगामी दिनमा पनि विद्यार्थीको सिकाइलाई सहज र प्रभावकारी बनाउन आवश्यक शैक्षिक सामग्री तथा भौतिक पूर्वाधारको व्यवस्थापनमा सम्बन्धित निकायको सहयोग आवश्यक रहेको जनाएको छ ।