गत कार्तिक २१ गते बरामद गरेको २४ लाख १२ हजार मूल्य बराबरको चिनियाँ मदिरा नष्ट

 सिमकोट ।    हुम्लामा अवैध रूपमा भित्र्याइएको २४ लाख १२ हजार रुपैयाँ मूल्य बराबरको चिनियाँ मदिरा (झिनिगिन्टी) नष्ट गरिएको छ । जिल्ला प्रहरी कार्यालय हुम्लाले नाम्खा गाउँपालिका–३ लामाखोल्सीस्थित ल्याल्जन लामाको घरबाट बरामद गरेको अवैध चिनियाँ मदिरा ‘झिनिगिन्टी’ नष्ट गरेको हो । गत कात्तिक २१ गते बरामद गरिएको ४०२ कार्टुनमा रहेका ४ हजार ८ सय २४ बोतल चिनियाँ मदिरा मंगलबार जिल्ला प्रहरी कार्यालयको परिसरमा खाल्डो खनेर नष्ट गरिएको जिल्ला प्रहरी कार्यालय हुम्लाले जनाएको छ । कोष तथा लेखा नियन्त्रक कार्यालयको रोहबरमा उक्त मदिरा नष्ट गरिएको हो ।