पुल निर्माण गरेको डेड वर्ष वित्दा पनि कामदारले पाएनन् ज्याला

पुल निर्माणमा खटिएका कामदारहरुले ज्याला नपाएको गुनासो गर्न थालेका छन् । ०७६ भदौ २७ गतेबाट नियमित काममा खटिएका कामदारहरुले हाल सम्म पनि ज्याला नपाएको गुनासो गरेका छन् । सिमकोट गाउँपालिका वडा नम्वर ७ र नाम्खा गाउँपालिका वडा नम्वर १ मा पर्ने हेप्का खोलाको पुल निर्माणका लागि जिल्ला बाहिरबाट आएका कामदारहरुले डेड वर्षदेखि काम गर्दा पनि ज्याला नपाएको गुनासो गर्न थालेका छन् ।

हिल्सा सिमकोट सडक खण्ड अन्र्तगतको हेप्का खोला पुल निर्माण गर्ने कार्य तिव्ररुपमा सञ्चालन भईरहेको भए पनि ठेकेदारको लापरवाहीका कारण हालसम्म काम गरेको करीव १९ लाख रपैयाँ रकम नपाएको कामदारमा खटिएका गुरुप लिडर खुसिराम थारुले गुनासो गरे ।
हेप्का खोलाको पुल निर्माण गर्ने क्रममा कामदारहरुलाई पहिलो पटक पेस्की स्वरुप रकम दिने भनिएता पनि ठेकेदारको लापरवाहीका कारण हालसम्म पनि सो रकम नपाएपछि कामदारहरुले सो ठाउँमा रहेका होटल तथा पसलेहरुसंग ऋण सापट गरेर जिबोको पार्जन गर्दै आएका छन् ।

सो पुलमा काम गर्ने १२ जना कामदारहरु भने कैलाली जिल्लाका नागरिक रहेका छन् । कादार मध्यका गुरुप लिडर थारुले भने, पटक पटक ठेकेदार र हिल्सा सिमकोट सडक योजना कार्यालयलाई हार गुहार गर्दा समेत सुनुवाई नगरेको बताए ।
हामी जिल्ला बाहिरका नागरिक धएका कारण हेपा प्रवृति भएको गुरुप लिडर थारुको भनाई छ । उक्त निर्माणधिन पुल २५ मिटर लम्वाई, १४.३३ मिटर उचाई र ८ मिटर चौडाई रहेको छ ।

उनका अनुसार हुम्ला जिल्लामा आफ्नो भन्नु कोही पनि नभएकाले हालसम्म पनि कुनै ठाउँमा उजुरी गर्न नसकिएको समेत बताए । उक्त पुल गाडी गुड्नका लागि निर्माण हुदै गरेको छ । ठेकेदारहरुले कामदारलाई काम मात्रै गराउने तर ज्याला मज्दुरीको आर्थिक रकम नदिने गरेको देखिन्छ । सो ठाउँको पुल नत पुरा रुपम निर्माण भएको छ । नत मज्दुरीको ज्याला नै दिएको छ । यसको थप विवरण समेत सोही अनलाइन मार्फत प्रदाफास हुने छ ।