सर्केगाडका स्थानीय महिलाद्धारा वृक्षारोपण

जलवायु परिवर्तनलाई अनुकुलन राख्नका लागि सर्केगाड गाउँपालिकामा सोमवार वृक्षारोपण गरिएको छ । किर्डाक नेपालको सहजी करण, परिवर्तनशिल महिला समूहको आयोजना र सर्केगाड गाउँपालिका वार्ड नम्वर ५ गोठिको वडा कार्यालयको समन्वयमा उक्त वृक्षारोपण कार्यक्रम सञ्चालन गरिएको हो ।

वृक्षारोपण कार्यक्रम सर्केगाड गाउँपालिका वार्ड नम्वर ५ गोठिको तलछरी भवनको खाली जग्गामा गरिएको किर्डाक नेपाल सर्केगाड कार्यालयका सामुदायीक विकास सहजकर्ता पवित्रा देवकोटाले बताईन् । हुम्ला जिल्लामा हिउँदको समयमा चिसो अत्याधिक हुने भए पनि वर्षाको समयमा गर्मि यामको शिजन शुरु हुने भएपछि स्थानीय स्तरमै उत्पादन गरेका बुटाहरु रोपेको सहजकर्ता देवकोटाले बताईन् ।

परिवर्तनशिल महिला समूहले केही दिन अगाडी मात्रै कार्य योजना बनाए अनुसार जलवायु परिवर्तनलाई अनुकुलन राख्ने उदेश्यका साथ उक्त वृक्षारोपण कार्यक्रम गरिएको उनको भनाई छ । हिमाली जिल्ला हुम्लाका विभिन्न ठाउँमा वेला वेलामा बाढि पहिरो, भूक्ष्य, खडेरी भएर जलवायु परिवर्तन हुने समस्या देखिएको भन्दै ६० वटा विरुवाका बुटाहरु रोपेर सो कार्यक्रम सञ्चालन गरिएको छ । फागुन १० गते उक्त स्थानमा पिपल, बैँस, उत्तिस, रैस लगायतका विरुवाहरु रोपिएको हो ।

सर्केगाड गाउँपालिका वार्ड नम्वर ५ गोठिका वडा अध्यक्ष कर्णजंग शाहीको नेतृत्वमा उक्त वृक्षारोपण कार्यक्रम सञ्चालन गरिएको सहजकर्ता देवकोटाको भनाई छ ।