नेपाल पत्रकार महासंघको हुम्ला अध्यक्षमा राजन रावत विजयी

नेपाल पत्रकार महासंघ हुम्ला जिल्ला शाखाको अध्यक्षमा राजन रावत विजयी भएका छन् । बुधबार भएको चुनावबाट रावत निर्वाचित भएका हुन् ।
बिहीबार भएको मत गणनामा रावतले कुल खसेको २९ मत मध्ये २० मत पाएको महासंघको जिल्ला निर्वाचन समितिका संयोजक हरिबहादुर रावतले बताए । अध्यक्षका अर्का प्रत्यासी अर्जुन बोहराले ९ मत प्राप्त गरेका छन् ।

त्यसैगरि वरिष्ठ उपाध्यक्षमा राजबहादुर शाही १९ मत ल्याएर विजयी भएका छन् । उनका अर्का प्रत्यासी मिमसिंह नेपाली १० मत ल्याएको निर्वाचन कमिटिले जनाएको छ । सचिवमा नन्द सिंह १८ मत ल्याएर बिजयी भए भने अर्का प्रत्यासी नरजन तामाङले ११ मत पाए ।

कोषाध्यक्षमा १८ मत ल्याएर सुरेश परियार, दलित सदस्यमा १८ मत पाएर दलसरा परियार विजयी भएका छन् ।

महिला उपाध्यक्षमा कुशुम बुढा यसअघि नै निर्विरोध निर्वाचित भएकी थिईन् । त्यसैगरि सहसचिवमा अशोक भण्डारी र छपाल लामा पनि निर्विरोध चयन भएका थिए । सदस्यमा दाने बोहरा,बेलुमाया महतारा, भक्तराज ऐडी, लोग भणडरी,  पदमराज हमाल चयन भएका छन् । उनीहरु पनि निर्विरोध भएका हुन् ।

निर्वाचनमा प्रेस युनियन र प्रेस चौतारी बिच सहकार्य भएको हो । त्यस्तै केन्द्रीय परिषद सदस्यमा नवराज महतारा र जनक शाही निर्विरोध निर्वाचित भएका छन् । यस्तै प्रदेश परिषद सदस्यमा काली बहादुर थापा पनि निर्विरोध चयन भएका हुन् ।
नेपाल पत्रकार महासंघ जिल्ला शाखामा ३३ जना पत्रकार आवद्ध भएपनि २९ जनाले मतदान गरेका छन् ।