करीव ४० लाख बरावरको अक्सिजन सिलिण्डर हुम्ला आई पुग्यो

स्वास्थ्य सेवा कार्यालय हुम्लाको आर्थिक लगानीमा जिल्ला बाहिरबाट करीव ४० लाख बरावरको अक्सिजन सिलिण्डर हुम्लामा आई पुगेको छ ।
गत जेठ अन्तिममा स्वास्थ्य सेवा कार्यालयले कोभिड १९ लाई मध्य नजर गर्दै जिल्लामा १ सय २० वटा अक्सिजन सिलिण्डर उपलव्ध गराएको स्वास्थ्य सेवा कार्यालय हुम्लाका प्रमुख प्रेम सिंहले बताए ।

जिल्लामा उपलव्ध भएका सिलिण्डरहरु हुम्लाका सातवटै गाउँपालिकाका स्वास्थ्य शाखाहरुलाई पठाएर कार्य सञ्चालन गरि रहेको प्रमुख सिंहले जानकारी दिए । अधिकांस गाउँपालिकाका स्वास्थ्य शाखाहरुलाई वितरण गरिएको छ छने केही बाँकी रहेका स्वास्थय शाखाहरुलाई वितरण गरिने भएको छ ।

प्रमुख सिंहका अनुसार काठमाडौँदेखि हुम्लासम्म सो सिलिण्डर आइपुग्दा करीव ३ लाख रुपैयाँ ढुवानीमा खर्च भएको छ भने खरीदमा करीव ३७ लाख रुपैयाँ लागत लागेको छ । उक्त अक्सिजन सिलिण्डर काठमाडौँ हुँदै कालिकोट, मुगु, र हुम्लाको सदरमुकाम सिमकोट सिमकोटसम्म गाडि र खच्चडमा ढुवानी गरिएको छ ।

उक्त सिलिण्डर ल्याउनका लागि हवाई जहाजले बोक्न नमानेपछि पैदल मार्गबाट जिल्लामा आयत भएको हो । त्यस्तै सो सिलिण्डर संगै कोभिडका सामग्री समेत खरीद गरि जिल्लामा आई पुगेको प्रमुख सिंहको भनाई छ । हुमलामा कोभिड १९ बाट प्रभावित भएका संक्रमितहरुका लागि केही सहज होस भन्दै स्वास्थ्य सेवा कार्यालयले कोभिडसंग सम्वन्धित सामग्री खरीद गर्ने कार्य गरेको छ ।