जहाजको टिकट नपाउदा १४ महिने शिसुको मृत्यु

सिमकोट । जहाजको टिकट नपाउदा अस्पतालले रिफर गरेको १४ महिने शिसु प्रिन्स सुनारको मृत्यु भएको छ । सिमकोट गाउँपालिका वडा नम्बर ६ साहुबाडा घर भएका १४ महिने शिसुको जहाज टिकट नपाएर शुक्रबार बिहान मृत्यु भएको हो । 

मुटुमा २ वटा प्वाल भएका बिरामी शिशुलाई जिल्ला अस्पातल हुम्लाले १७ गते रिफर गरेको भएपनि हवाइ जहाजको टिकट नपाएर मृत्यु भएको बाबु रामलाल सुनारले बताउनु भएको छ । बिरामी शिसुको उद्धारका लागि प्रमुख जिल्ला अधिकारीले रिफर गरिएको पत्रमा तोक लगाएपनि टिकट नपाएर जिल्ला बाहिर लिन नपाउदा मृत्यु भएको हो ।

सोही बालकको यसअघि पनि काठमाडौको बाल कान्ती अस्पतालमा फोक्सोको उन्डोसकपि गरिएको थियो । अस्पतालले रिफर गरेको भएपनि टिकट नपाउदा अस्पतालमा रहेका बालकको मृत्यु भएको छ ।