घरमा आगालागी हुँदा काँग्रेस नेता रोकायाको १ करोड बढी क्षती

हुम्ला । सदरमुकाम सिमकोटमा एक घर आगलागि भएको छ । मंगलबार सिमकोट गाउँपालिका वडा नम्बर ५ का नेपाली काग्रेसका जिल्ला उपसभापती बसन्त रोकायाको तीन तले एक घर आगलागि भएको हो । मंगलबार बिहान ९:४५ बजे भएको आगलागिले रोकायाको माथिल्लो तला पुर्ण रुपमा जलेर नष्ठ भएको छ ।

नेपाली सेना, नेपाल प्रहरी, ससस्त्र प्रहरी बल, बालमन्दिर माविका विद्यार्थी र स्थानीयको ठुलो प्रयासमा करीव दुई घण्टापछि आगोलाई नियन्त्रणमा लिएको थियो । खाना पकाउन प्रयोग गरिने धुवा रहित फलामे चुलोको पाइपबाट आगलागी सुरु भइ रोकयाको ३ तले घरको माथिल्लो तला पुर्ण रुपमा जलेर नष्ट भएको जिल्ला प्रहरी कार्यालय हुम्लाका प्रहरी नायव उपरिक्षक रविन्द्र खनालले बताउनुभयो ।

आगालि नियन्त्रणका क्रममा रोकायाकी श्रीमती लक्ष्मी रोकयाको छातिमा चोट लागेको छ भने एक जना नेपाल प्रहरीका जवान भर्याडबाट खस्दा सामान्य चोट लाग्नुका साथै प्रहरी जवानको जिल्ला अस्पतालमा प्रथामिक उपचारपछि आजै डिसचार्ज गरिएको छ ।

सो आगलागिबाट १ करोड १४ लाख ७ हजार रुपियाँ धनमालको क्षेती भएको प्रहरी नायव उपरिक्षक खनालले बताउनुभयो । उहाँका अनुसार ४ लाख नगद सहित अन्य जिन्सी, तथा भौतिक सामग्रि पुर्ण रुपमा जलेर नष्ठ भएको बताइएको छ ।