१२ औ राष्ट्रपति रनिङ शिल्डको उपाधि सर्केगाड गाउँपालिकालाई

हुम्ला । १२ औ राष्ट्रपति रनिङ शिल्डको उपाधि सर्केगाड गाउँपालिकाको हातमा परेको छ । गत २६ गतेबाट जिल्लाको चंखेली गाउँपालिका वडा नम्बर ३ को महादेब माबिमा संञ्चालन भएको अन्तर पालिका स्तरिय १२ औ राष्ट्रपति रनिङ शिल्ड प्रतियोगितमा धेरै पदक ल्याउदै सर्केगाड गाउँपालिका प्रथम भएको हो ।

जिल्लामा भएका सातै गाउँपालिका भित्रका बिद्यार्थी खेलाडीलाई सहभागी गराई संञ्चालन गरिएको १२ औ राष्ट्रपति रनिङ शिल्ड प्रतियोगितमा नाम्खा गाउँपालिका बाहके अन्य सबै गाउँपालिकाले सहभागी जनाएका थिए । सोही प्रतियोगितमा जिल्लाका ६ गाउँपालिकालाई उछिन्दै ९ स्वर्ण, ५ रजत र ३ कास्य पदक सहित सर्केगाड गाउँपालिका प्रथम भएको छ ।

यस्तै ७ स्वर्ण, ८ रजत, ८ कास्य पदक सहित सिमकोट गाउापालिका दृतिय भएको जिल्ला खेलकुद बिकास समिति अध्यक्ष बिनोद बोहोराले बताउनु भएको छ । उहकाका अनुसार प्रतियोगितामा ६ स्वर्ण, ५ रजत, ५ कास्य पदक सहित ताँजाकोट गाउँपालिका तृतिया भएको छ । जिल्लाका गाउापालिका स्तरिय बिद्यार्थी खेलाडी सोही प्रतियोगिताबाट प्रदेश स्तरिय राष्ट्रपति रनिङ शिल्ड प्रतियोगिताका लागि छनोट गरिने भएको छ ।

शनिबार सम्पन्न भएको राष्ट्रपति रनिङ शिल्ड प्रतियोगितामा पद ल्याउने खेलाडीलाई पुरस्कार सहित बितरण गरिएको जानकारी प्राप्त भएको छ । समापन सँगै पुरस्कार बितरण कार्यक्रमबाट अगामी बर्ष हुने १३ औ राष्ट्रपति रनिङ शिल्ड प्रतियोगिता आयोजनाकालागि खापुर्नाथ गाउँपालिकालाई झण्डा हस्तान्त्रण गरिएको छ । उक्र प्रतियोगितापनि जिल्ला खेलकुद बिकास समितिको सहयोग र खार्पुनाथ गाउँपालिकाको समन्वयमा संञ्चालन हुने जनाइएको छ ।