ट्याक्टर दुर्घटना हुँदा एक जनाको मृत्यु, तीन घाइते

सिमकोट । हुम्लाको दक्षिण भेगमा रहेको चंखेली गाउँपालिकामा आइतबार विहान साढे दश बजे ट्याक्टर दुर्घटना हुँदा एक जनाको मृत्युभएको छ । चंखेली गाउँपालिका–१ दर्बि स्थित बोहराबाडाबाट रिमी तर्फ जादैँ गरेको लु ४ त ७७२० नम्बरको ट्याक्टर दुर्घटना हुँदा सोही वडा बोहराबाडाका  ३५ वर्षिय तुले बोहराको मृत्यु भएको जिल्ला प्रहरी कार्यालय हुम्ला प्रहरी निरीक्षक सुरेश सुवेदीले जानकारी दिनुभयो । १४ क्विइन्टल अनुदानको नुन ढुवानी गरेर गइरहेको ट्याक्टर दुर्घटना हुँदा घट्नास्थलमै बोहराको मृत्युभएको निरीक्षक सुवेदीले बताउनुभयो । 

यस्तै दुर्घटनामा परी तीन जना घाइते भएका छन् । सोही गाउँपालिका वडा–१ का ४० वर्षिय मान बहादुर बोहराको टाउँको र छातीमा चोट लाग्नुका साथै अवस्था गम्भीर भएको बताइएको छ । 

    त्यसैगरी सोही वडाका ४५ वर्षिय धना बोहरा, दश वर्षको चरी बोहरा घाइते भएको जानकारी प्राप्त भएको छ । धनाको टाउँको र चरीको शरीरको विभिन्न भागमा चोट लागेपनि उनीहरुको अवस्था मध्यम रहेको जिल्ला प्रहरी कार्यालय हुम्लाले जनाएको छ । 

  ट्याक्टर मुगु जिल्ला छायाँनाथ रारा नगरपालीका–१४ का २६ वर्षिय हिरा बहादुर बडुवालले चलाएको जानकारी प्राप्त भएको छ । ट्याक्टर चालक बडुवाल दुर्घटना लग्गतै फरार रहेकाले खोजी कार्य भइरहेको जिल्ला प्रहरी कार्यालय हुम्लाले जनाएको छ । 

   ट्याक्टर चालीस मिटर तल बसेको हो । भने मिमि प्रहरी प्रहरी चौकीबाट प्रहरी सहायक निरीक्षक बिर बहादुर चन्दको कमाण्डमा खटिएको ६ जना प्रहरीको टोली घाइतेको उद्धार गरिएको हो ।