हुम्लाको नेप्का गाउँमा बाढीले विद्यालय भवनसहित गोठ र खेतीयोग्य जमिन बगायो

हुम्ला 
हुम्लाको चंखेली गाउँपालिका–५ स्थित नेप्का गाउँमा गएराति १० बजे आएको विनाशकारी बाढीले ठूलो भौतिक क्षति पु¥याएको छ । जिल्ला प्रहरी कार्यालय हुम्लाका अनुसार एक्कासि आएको बाढीले स्थानीय डाँफे आधारभूत विद्यालयको भवन नै बगाएको छ भने गाउँलेका गोठ, भेडाबाख्रा र खेतीयोग्य जमिनमा व्यापक नोक्सानी पुर्याएको जानकारी प्राप्त भएको छ ।

अविरल वर्षापछिको पहिरोले गाउँका स्थानियको गोठ पुरेर भेडाबाख्रामा ठूलो क्षति पुगेको छ । बाढीले गाउँमा कोदो उत्पादन हुने अधिकांश खेतीयोग्य जग्गा बगाएको जिल्ला प्रहरी कार्यालय हुम्लाका प्रहरी उपरिक्षक शंकर खड्काले बताउनु भयो ।

हालसम्म कुनै मानवीय क्षतिको खबर नआए पनि विकट भूगोलका कारण गोठ पुरिँदा र बाढी पस्दा भएको क्षतिको यकिन विवरण अझै संकलन हुन नसकेको प्रहरी उपरिक्षक खड्काले बताउनु भएको छ ।

उत्त बाढी पहिरो गएको ठाउँ प्रहरी चौकी भन्दा टाढा भएका कारण प्रहरीको टोली अहिले बिहान १० बजेसम्म पुग्ने भएको उहाँले बताउनु भएको छ । प्रहरी टोली घटना  स्थल पुगेपछि मात्र घटनाको विववरण संकलन गरिने भएको छ ।