जहाजले उडान नभर्दा ५ दिन यता सुनसान बन्यो बिमान स्थल

हुम्ला । मौसममा आएको खराबीका कारण ६ दिन देखी हवाई जहाजले उडान जिल्लामा उडान भर्न नसक्दा सिमकोट बिमान स्थल सुनसान बनेको छ । बिहान सुर्खेत नेपालगंञ्जको मौसम नखुल्नु र दिउसो सिमकोटमा हावा बढ्न थालेपछि जिल्लामा हवाई जहाजले उडान भर्न नसक्दा बिमान स्थल सुनसान बन्दै गएको हो ।

हाल सम्मपनि राष्ट्रिय सडक संञ्जालले छुन नसकेको एक मात्र सदरमुकाम सिमकोटमा यातायातको एक मात्र हवाई जहाज भएपछि जिल्लाका यात्रु मारमा पदै आएका छन । जिल्लामा केही दिन अगाडी सम्म थोरै मात्रमा भएपनि उडान भर्दै आएका बेला मौसममा आएको खराबीका कारण हवाई उडान भर्न नसक्दा समस्या भएको छ ।

जिल्लाको तल्लो क्षेत्रमा सडक संञ्जालले छोएको भएपनि माथिल्लो क्षेत्रमा सडकले नछुनु र हवाई उडान नहुदा यात्रा गर्न बसेका यात्रु सिमकोट बिमान स्थल, सुर्र्खेत र नेपालगञ्जमा अलपत्र परेका छन । जिल्लामा आउने यात्रु नेपालगञ्ज र सुर्खेतमा थन्किएका छन भने जिल्ला बाहिर जाने यात्रु सिमकोटमा थन्किनु परेको यात्रुले बताउने गरेका छन ।

यात्रुहरुका अनुसार अवाई जहाज कुर्दा होटलको बिल बढेको र समय खर्चिनु परेको छ । खराव मौसका कारण यात्रु मर्कामा पर्र्दै आएका बेला कतिपय यात्रु पदैल मार्ग हुदै जिल्ला बाहिर जान थालेका छन । जिल्लामा अवाई उडान नहुदा सर्केगाड सम्म सिमृक एअरको हेलिकप्टरमा र सर्केगाड देखी पैदल मार्ग हुदै दिनको २५ जना सम्म जाने गरेका छन ।

आज मात्र सोही पैदल मार्गबाट जिल्लाबाट ३० जना बाहिर गएको पाइएको छ । सहरी क्षेत्रमा महत्वपुर्ण कामकालागि जान लागेका यात्रुले जहाज नआउँदा पैदल मार्गको बटो धाउनु परेको छ । पैदल मार्गबाट जाँदा नागरीकको समय धेरै लाग्ने खर्चपनि बढ्ने गरेको छ । जिल्ला बाहिर हवाई जहाजमा जानु भन्दा पैदल मार्गबाट यात्रा गर्दा २ हजार रुपँैया धेरै तिर्नु परेको पैदल मार्ग हुदै यात्रा गर्ने यात्रुले बताउने गरेका छन ।

उडान नभएपछि बिरामीहरू समेत पैदल मार्ग हुँदै गाडीबाट नेपालगन्ज ,सुर्खेत झर्न गरेका छ । पाँचदिनदेखि कर्णालीका हुम्ला,मुगु,जुम्ला,डोल्पा, र सूदुरपशिचमको बाजुराको कोल्टी लगायतका क्षेत्र हवाई सेवा प्रभावित बनेका छन ।