झ्याप्ले खोलाको पहिरोमा पुरिएको माइक्रो बसबाट १० जनाको शव निकालियो

धादिङ । पृथ्वी राजमार्गको झ्याप्ले खोलामा पहिरोले पुरिएको अवस्थामा माइक्रो बस पनि भेटिएको छ ।

माइक्रो बस चितवनबाट आएको भएको बताइएको छ । माइक्रोको नम्बर भने अहिलेसम्म जानकारी भएको छैन । माइक्रोबाट दशजनाको शव बाहिर निकालिएको छ ।

नेपाली सेना, नेपाल प्रहरी र सशस्त्र प्रहरीले पहिरो उत्खनन गर्दा माइक्रो बस भेटिएको हो । यसअघि हिजो बस पनि सोही पहिरोमा पुरिएको थियो । सो बसबाट १४ जनाको शव हिजै निकालिएको थियो ।