१८ साुमदायिक वनसँग महासंघको छलफल सम्पन्न

सिमकोट । हुम्ला सहित देशभर काम गर्दै आएको सामुदायिक वन उपभोक्ता महासंघ नेपालको छलफल सम्पन्न भएको छ । सिमकोट गाउँपालिका भित्र रहेका २३ वटा सामुदायिक वन मध्ये १८ वटा साुमदायिक वनका सदस्य तथा पदाधिकारीसँग वन सम्बन्धि छलफलका साथै विभिन्न जानकारी सहितको कार्यक्रम भएको बताइएको छ । 

गाउँपालिका भित्र रहेका सामुदायिक वनका पदाधिकारीसँग सहभागीता, वन पहिचान अधिकार र वन शुसान लगायतका विषयमा जानकारी गराइएको साुमदायिक वन उपभोक्ता महासंघ नेपाल सिमकोट गाउँपालिका सचिव हेमन्त बोहराले बताउनुभयो । 

वडा १ देखि ८ सम्म रहेको सिमकोट गाउँपालिका भित्रका सामुदायिक वनका समितिहरुसँग विभिन्न मितीमा कार्यक्रम भएको साुमदायिक वन उपभोक्ता महासंघ नेपालका जिल्ला संयोजक विनोद फडेराले बताउनुभयो । 

उक्त समयमा भएका कार्यक्रममा वन पैदावारमा प्रयोगको अधिकार, पहुँचको अधिकार, सामुदायिक वनमा रहेका सदस्यहरुको गरिबी, विपन्नता, आदिवासी, जनजाती लगायतका विषयमा जानकारी गराइएको साुमदायिक वन उपभोक्ता महासंघ नेपालका जिल्ला संयोजक फडेराको भनाई छ ।