हिमपातले बाटोमा अलपत्र परेका लामालाई प्रहरीले सकुशल उद्धार गर्यो

सिमकोट । जिल्लाको उत्तरी नाम्खा गाउँपालिकामा हिमपातले बाटोमा अलपत्र परेका एक जना नागरीकलाई याल्वाङ्ग प्रहरी चौकीको टोलीले आइतबार सकुशल उद्धार गरेको छ । नाम्खा गाउँपालिका वडा नम्बर चारमा पर्ने सल्ली खोलामा वडा नम्बर चारबस्ने ६५ वर्षिय तुन्दुक लामालाई प्रहरीले उद्धार गरेको जानकारी प्राप्त भएको छ ।

धाडकेर्मीबाट पालिका केन्द्र याल्वाङ्ग जादैँ गरेका लामालाई याल्वाङ्ग प्रहरी चौकीका प्रहरी सहायक निरीक्षक सर्वजित शाहीको नेतृत्वमा खटिएको चारजनाको प्रहरी टोली उद्धार गरेको जिल्ला प्रहरी कार्यालय हुम्लाले जनाएको छ । लामा आइतबार बाटोमा अलपत्र परेको भन्ने जानकारी पाउन साथ उक्त प्रहरी चौकीले उद्धार गरेको हो । लामालाई प्रहरीले स्टेचरमा राखी उद्धार थगरी इकाला स्वास्थ्यचौकीमा उपचार गरार आफन्त नाताले ज्वाइ पर्ने लाल बहादुर तामाङको जिम्मा लगाएको जानकारी प्राप्त भएको छ ।

केही दिन अघि परेको हिमपातले लामा बाटोमा अलपत्रमा परेर जान नसक्ने भएपछि उद्धार गरिएको हो । पहिला प्रहरीलाई नाम थर नखुलेको उद्धारका लागि जानकारी आएपनि पछि उद्धार गरेर उपचार गरिसकेपछि सबै डाटा लिएको बताइएको छ ।