हुम्लामा यात्रुका लागि नयाँ भाडादर लागु भयो तर कार्यान्वयन भएन

सिमकोट । हिमाली जिल्ला हुम्लामा सञ्चालन हुँदै आएका सवारीसाधनको  भाडादर कार्यान्वयन नभएको पाहिएको छ ।  आफ्नो मनलाग्दी यात्रुबाट असुल्दै हुम्लाको सदरमुकाम सिमकोटदेखि विभिन्न स्थानका रुडमा सञ्चालन हुँदै आएका सवारी साधनका लागि नयाँ भाडादर कायम भएपनि कार्यान्वयन उल्लङ्घन भइरहेको पाइएको छ । केही दिन अगाडी मौखीक सहमतीमा प्रतिकिलोमिटर रु ३७ रुपैयाँ लिने भनिए पनि कार्यान्वयनमा आउन नसकेको पाइएको छ ।

सिमकोट खार्पुदेखि सञ्चालन हुँदै आएका यातायातले आफ्नो अनुकुल यात्रुबाट भाडादर लिने गरेका छन् । नयाँ भाडादर निर्धारण गरी कार्यान्वयन गर्ने सहमति भएपनि व्यवसायीले अझै यात्रुबाट बढी भाडा असुल्ने गरेका छन् । खार्पु सिमकोट रुटमा सहमती अनुसार रु साढे चार सय लाग्ने भएपनि सवारी चालकले रु ७ सय देखि ८ सय सम्म लिने गरेको यात्रुको गुनासो छ ।

सिमकोट खार्पुदेखि सञ्चालन हुँदै आएका सवारी चालकहरुले बढी भाडा लिने गरेको पाइएको छ । प्रशासनले मौखीकरुपमा भनेर नहुँने भन्दै पुरानै आफुहरुले लिदैँ आएको भाडा लिने गरेका हुन् । जिल्ला प्रशासनले भन्दै लागु नुहने भन्दै यात्रुलाई बढी भाडा लिएर थर्काउने समेत गरेको यात्रुको गुनासो छ । यस्तै ठेहे सिमकोट, डाडाफया सिमकोट लगायतका रुढमा यातायात व्यवसायीले भाडा कार्यान्वयनमा नल्याएर बढी असुल्दै आएका छन् । यसले गर्दा यात्रुहरु ठगिदै आउने गरेका छन् ।

नयाँ भाडादर कायम भए पनि यातायात व्यवसायीले बढी भाडादर लिनुका साथै यात्रुको गुनासोमा ट्राफिक प्रहरीले चासो समेत नदिएको पाइएको छ । सवारी साधनमा नयाँ भाडादर रेड राख्नु पर्ने र पूर्णरुपमा कार्यान्वयनमा ल्याउनका लागि प्रशासनले अुनगमनलाई कडाइ गर्न आवश्यक देखिएको छ ।