नेपाल बुद्धिजीवी परिषद हुम्लाको अध्यक्षमा रोकाया 

  सिमकोट । नेपाल कम्युनिस्ट पार्टी (नेकपा एमाले) हुम्लाको नेपाल बुद्धिजीवी परिषद जिल्ला कार्यसमितले नयाँ नेतृत्व चयन गरेको छ । बुद्धिजीवी परिषद जिल्ला कार्य समितको अध्यक्षमा लालकेशर रोकाया सर्वसम्मत चयन हुनु भएको छ । यसैगरी उपाध्यक्षमा जान बहादुर जेठारा, सचिवमा तीर्थराज भण्डारी, सह–सचिवमा शंख कार्की र कोषाध्यक्षमा सम्झना रोकाया गरि १३ सदस्यीय जिल्ला कार्यसमिति चयन भएको जानकारी प्राप्त भएको छ ।

छैटौं जिल्ला अधिवेशनबाट दिनेश नेपाली, रतन बहादुर हमाल लगायत सदस्यमा चयन गरिएको जानकारी प्राप्त भएको छ । जिल्लाका सातवटै स्थानीय तहबाट समग्रहमा प्रतिनिधित्व हुने गरि नेपाल बुद्धिजीवी परिषद हुम्लाको कार्यसमितिमा चयन गरिएको अध्यक्ष रोकायाले बताउनुभयो ।

परिषदका निवर्तमान अध्यक्ष नेत्रलाल हमालको अध्यक्षतामा र नेकपा एमाले जिल्ला पार्टी उपाध्यक्ष प्रकाश बहादुर शाहीको प्रमुख आथित्य, जिल्ला पार्टी सचिव तीर्थराज बोहराको विशेष आथित्यमा छैटौं जिल्ला अधिवेशन सम्पन्न भएको जानकारी बताइएको छ। यस्तै उक्त कार्यक्रममा जिल्ला स्थित पार्टी नेता कार्यकर्ता लगायतको उपस्थित रहेको थियोे ।