१३८ जना विद्यार्थीलाई झोला वितरण

हिमाली जिल्ला हुम्लाको सदरमुकाम सिमकोट गाउँपालिका वडा नम्बर ५ मा रहेको भिमसेन आधारभुत विद्यालयका १३८ जना विद्यार्थीलाई झोला वितरण गरिएकोे छ । दुर्गम हुम्ला जिल्लाको भिमसेन आधारभुत बिद्यालयमा अध्यापन गर्दै आएका बिद्यार्थीहरुलाई इन्फो नेपाल ट्रेक, डिएमसि कैलाशको आार्थिक सहयोग र होटेल कैलाशका प्रोप्राइटर रिन्जिन लामाको पहलमा भिमसेन आधारभुत बिद्यालयलाई झोला सहयोग गरिएको जानकारी प्राप्त भएको छ । हुम्ला जिल्लाको प्रसिद्ध धार्मिक स्थलका रुपमा रहेको मानसरोवर कैलाशको दर्शन गर्न आउने मलेसियन पर्यटकले सिमकोटमा रहेको भिमसेन आधारभुत विद्यालयका विद्यार्थीहरुलाई माया गरेर झोला सहयोग गरिएको छ ।

भन्दा अरु गर्न नसके पनि झोला सहयोग गर्ने प्रतिबद्धता गरे बमोजिम झोला सहयोग गरेको लामाले बताउनु भएको छ । लामाका अनुसार झोला मलेसियाबाट नेपालमा आएको र नेपालबाट होटेल कैलाशले ढुवानि गरेर हुम्ला सम्म पुगाएको जनाइएको छ । लामाले सहयोग माग्दा बिद्यालय छनोट नगरेको भएपनि सदरमुकाम सिमकोटको भिमसेन आधारभुत बिद्यालयका साना नानि बाबू लाई वितरण गर्ने मन लागे पछि बिद्यालयलाई समन्वय गरेर झोला वितरण गरेको हो । झोला वितरण गर्नको मुख्य उदेश्य भनेको बिद्यालयमा बिद्यार्थीको संख्या बढाउने , विद्यार्थीहरुलाई आर्कषक गर्न न्युन आर्य स्रोत भएका, विपन्न, गरिबका छोरा छोरीलाई बिद्यालय जाने बाटो देखाउने हेतुले हरेक बिद्यार्थीलाई झोला वितरण गरिएको भिमसेन आधारभुत विद्यालयका प्रध्यानाध्यापक काली बहादुर शाहीले बताउनु भएको छ । उक्त बिद्यालयमा इसिडि देखि कक्षा ५ सम्म १ सय ३८ बिद्यार्थी अध्ययन अध्यापन आएका छन । आज शुक्रबार भएकाले अधिकांश विद्यार्थी विद्यालयमा नआएका कारण आधालाई मात्र वितरण गरेको र बाँकी आईतबार वितरण गर्ने प्रअ शाहीले बताउनु भएको छ ।

प्रअ शाहीका यस विद्यालयमा नयाँ भर्ना गर्ना आउने विद्यार्थीलाई पनि झोला सहयोग गर्ने प्रतिवद्धता जनाउनु भएको छ ।