५६ वर्षीय कामिलाई कुष्ठ रोग नभएको पुष्टी 

हुम्ला  ।  सिमकोट गाउँपालिका वडा नम्बर ८ याङगु गाउँका ५६ वर्षीय धनविरे कामी बिगत ६ वर्षदेखि छाउँगोठमा बस्दै आएका थिए । विरामी कामीलाई साउन १० गते जिल्ला अस्पताल हुम्लामा उद्धार गरिएको हो ।  जिल्ला अस्पताल हुम्लाका व्यवस्थापन समिति अध्यक्ष दिपक भण्डारी, स्वास्थ्य सेवा कार्यालय हुम्लाका प्रमुख डाक्टर उमाकान्त तिवारी र मानवअधिकारकर्मी एवम् नेपाल पत्रकार महासंघ हुम्लाका सचिव नन्द सिंह गाउँमै पुगेर यम्बुलेन्स मार्फत कामिलाई उद्धार गरेर जिल्ला अस्पताल ल्याएको हो । 

विरामी कामीलाई आफन्तहरुले कुष्ठ रोग भनिएता पनि कुष्ठ रोग नभएको र ल्यापबाट परिक्षण गर्दा कामीलाई कुष्ट रोग नभएको  डाक्टर उमाकान्त तिवारीले बताएका छन् । कामीलाइ विभिन्न किसिका वाथ रोग (नसा सम्बन्धि रोग ) मध्य रिमटोइट अथराइड भएको डक्टर तिवारीले बताएका छन् ।

रोगसँग लड्ने सक्ने क्षमताले आफ्नो इम्युनिटी पावर चिन्न नसक्दा यस्तो खाले विरामी हुन सक्ने डाक्टर तिवारीले बताएका छन् । कामिलाई उदार गरी ल्याउनु भन्दा अहिले उनको स्वास्थ्य अवस्थामा निकै सुधार भएको र कामिलाई जिल्ला अस्पतालले निशुल्क उपचार गरी रहेको र थप उपचारका लागी विभिन्न संघ संस्था सरकारी स्वास्थ्य संस्थामा पहल गरी रहेको डाक्टर तिवारीले  जानकारी दिएका छन् । 

गाउँले र आफन्तको अन्धविश्वास र बेवास्ताका कारण कामी अझै पनि पीडादायक अवस्थामै छाउगोठमा एक्लै बस्दै आउनु परेको र कामीको अहिले जिल्ला स्वास्थ्य कार्यलय हुम्लामा उनको बाङगिएका हड्डीहरु सिधा नभए पनि थप रोग लाग्न नदिनको लागी उपचार भइ रहेको छ ।