एक महिना देखि बन्द रहेको रेडियो कर्णाली आवाज आज बाट सञ्चाल

सिमकोट  ।     हुम्ला जिल्लाको सदरमुकाम सिमकोटमा रहेकोे लोकप्रिय सामुदायिक रेडियो कर्णाली आवाज ९४ थोप्लो २ मेगाहर्ज  केही महिना अघिदेखि प्रसारण सेवा बन्द रहेकोमा आजदेखि पुनः सञ्चालनमा आएको छ ।
विभिन्न आन्तरिक समस्या र रेडियोको मुटु ट्रान्समिटरमा खराबि आए सँगै  प्राविधिक समस्याका कारण रेडियो प्रसारण सेवा बन्द भएको थियो । रेडियो कर्णाली आवाज एक महिना सम्म बन्द रहदा हुम्लाका स्थानिय नागरिक निकै सञ्चार क्षेत्रबाट टाढा रहेको दुखेसो गरेको जानकारी प्राप्त भएको छ । तर रेडियोकर्मिहरुको ठुलो पहल सँगै मर्मत–सम्भार गरेपछि रेडियो पुनःप्रसारण सुरु गरिएको जानकारी प्राप्त भएको छ । 

विभीत समस्या र प्राविधिक अवरोधका कारण रेडिया कर्णली आवाज एक महिना देखि बन्द रहँदा स्थानीय श्रोता समाचार, विभिन्न सूचना तथा मनोरञ्जन सामग्रीबाट वञ्चित भएका थिए । रेडियोका स्टेशन प्रमुख नबराज महताराका अनुसार आवश्यक मर्मत–सम्भार र उपकरण प्रतिस्थापनपछि आजदेखि नियमित प्रसारण सुरु गरिएको र अझै जिम्मेवार र जनमुखी सुचना, शिक्षा, मनोरञ्जन र सामाजिक चेतनामूलक कार्यक्रम र समाचार प्रसारण गर्ने बताउनु भएको छ । 

रेडियो कर्णाली आवाजले गाउँ–गाउँको ठाँउ—ठाँउको आवाज मुखरित गर्ने, स्थानीय संस्कृतिको संरक्षण गर्ने र नागरिकलाई सचेत गराउने महत्वपूर्ण भूमिका खेल्ने जनाएको छ । साथै, लामो समय रेडियो सुन्न नपाउँदा बिछोडमा परेका श्रोतालाई नियमित समाचार सँगै कार्यक्रमसहित जोड्ने तयारी भइरहेको जनाएको छ ।

रेडियो पुनः सञ्चालनसँगै स्थानीय आवाजलाई बलियो बनाउँदै स्थानीय वासीहरूले लामो समयपछि आफ्नै आवाज बोल्ने सामुदायिक रेडियो कर्णाली आवाज पुनः सुन्न पाएकोमा खुशी समेत व्यक्त गरेका छन् । 

स्थानिय नागरिकहरुले जिल्लाको दुर्गम गाउँ घरसम्म जानकारी पु¥याउने माध्यम फेरि सञ्चालनमा आएर सक्रिरुपमा प्रसारण गर्ने विश्वस समेत गरेका छन् ।  श्रोताहरूले पनि  निष्पक्ष्य रुपमा समाचार प्रसारण गर्ने रेडियो पुनः सुन्न पाएकोमा निकै खुसि भएको जानकारी दिनु भएको छ ।