राष्ट्यि ब्याडमिन्टन खेलका लागि हुम्लाका लामा छनोट

सिमकोट

हुम्लाबाट कर्णाली प्रदेश स्तरिय ब्याडमिन्टन प्रतियोगिताका लागि दुई जना खेलाडी मध्ये सिमकोट गाउँपालिका वडा नम्बर १ जोदामका हिमाल लामा  ब्याडमिन्टन खेलमा छनोट हुन भएको छ । कर्णाली प्रदेशमा सञ्चालन भएको प्रदेश स्तरिय ब्याडमिन्टन प्रतियोगिता शनिबार र आईतबार गरी दुई दिन खेल सञ्चालन गरिएको थियो । सुर्खेतस्थित जिल्ला ब्याडमिन्टन संघको कभर्ड हलमा भएकोे प्रतियोगिताका लागि पुरुषतर्फ हिमाल लामा र महिलातर्फ शोभा शाही हुम्ला बाट छनोट भएका थिए । उनीहरूले हुम्लाको प्रतिनिधित्व गर्दै प्रतियोगितामा प्रतिस्पर्धा गरेका थिए । 

नेपाल ब्याडमिन्टन संघको आयोजनामा आगामी बैशाख ३० गते देखी जेठ २ सम्म गते काठमाडौको दशरथ रंगशालाको कभर्ड हलमा सञ्चालन हुने ४२ औँ राष्ट्रिय ब्याडमिन्टन प्रतियोगिताका लागि हुम्लाका ब्याटमिन्टन खेलाडी लामा तयउ कष्ह मा छनोट हुनभएको छ । प्रदेश स्तरिय प्रतियोगिताबाट कर्णाली प्रदेशका २४ जना महिला र ३२ जना पुरुष गरी जम्मा ५६ जनामा केटी ५ र केटा ७ जना गरी जम्मा १२ जना खेलाडी राष्ट्रिय प्रतियोगिताका लागि छनोट भएका छन ।