नाम्खाका कोरोना संक्रमित एक जनालाई हेलीक्पटर मार्फत उद्धार

हुम्लाको नाम्खा गाउँपालिका वडा नम्वर ४ यालवाङका एक जना कारोनाको संक्रमणबाट ग्रस्त भएको भन्दै कार्तिक ३० गते हेलीकप्टर मार्फत उद्धार गरिएको छ । उद्धार गरिनेमा नाम्खा गाउँपालिका ४ का ६१ वर्षिय एक वृद रहेका छन् । कोरोना संक्रमण देखिएका ६१ वर्षिय पुरूषको हेलिकप्टरबाट उद्वार गरिएको हो ।

गएको २७ गतेबाठ नाम्खा गउपालिकामा कोरोनाका संक्रमणको संख्यामा उल्लेखनीय भएपछि सो ठाउँका नागरिकलाई समस्या हुँदै आएको छ । स्वासप्रश्वासमा समस्या भएपछि गाउँपालिका केन्द्र याल्वाङ्गदेखी सिम्रिक एयरको हेलिकप्टरबाट उद्वार गरिएको हुम्ला विमानस्थालका कार्यालय प्रमुख विष्णुबहादुर अधिकारीले बताए ।

सोही दिन सिम्रिक हेलीकप्टरबाट उद्धार गरिएका वृद्धलाई काठमाण्डोँको ह्याप्स हस्पिटलमा लिएर उपचार हुने भएको जिल्ला स्वास्थ्य सेवा कार्यालय हुम्लाका कार्यालय प्रमुख प्रेमबहादुर सिंहले बताए । प्रमुख सिंहका अनुसार कोरोनाबाट प्रभावित भएका वृद्धले आफ्नै व्यक्तिगत रुपमा १० लाख रुपैयाँ खर्च गरेर हेलीकप्टर रिजव गरेका थिए ।

संक्रमण भएका वृद्धलाई लिनका लागि ह्याप्स हस्पिटलका दुई जना विशेषज्ञ डाक्टरको टोलि समेत नाम्खामा पुगेको थियो । हेलीकप्टरमा रहेको क्यावीनमा एक जना भन्दा बढि विरामीहरु राख्न नमिल्ने भएका कारण आज वृद्धलाइ्र्र उद्धार गरिएको थियो भने मंसिर १ गते उनकी ६० वर्षिया पत्नीलाई सो हेलीकप्टर मार्फत उद्धारा गरिने भएको छ ।

हेलीमा विरामीका लागि अक्सिजनको समेत सुविधा रहेको बताइएको छ ।
हालसम्म् नाम्खामा १२ जनामा कोरोना संक्रमण देखा परेको छ भने अन्य व्यक्तिहरुको पनि स्वाव संकलन गर्ने कार्य भई रहेको जिल्ला स्वास्थ्य सेवा कार्यालय हुम्लाका सुचना अधिकारी भक्ति फडेराले बताए ।

यतिखेर जिल्ला स्वास्थ्य सेवा कार्यालय हुम्लाका डाक्टर नविन रोकायाको नेतृत्वयमा गएको टोलिद्धारा नाम्खामा सामान्य लक्षण देखिएका विरामीहरुको स्वाव संकलन गर्ने कार्य भई रहेको सुचना अधिकारी फडेराको भनाई छ ।