लुकाएर राखिएको भरुवा बन्दुक बरामद

हुम्लाको तल्लो क्षेत्रमा रहेको अदानचुली गाउँपालिकाको थलोहाल्ना मोड नजिकैको खोलामा लुकाएर राखीएको एक थान भरुवा बन्दुक फेला पारेको छ ।

आइतबार विहान श्रीनगर प्रहरी चौकीको टोली गस्तीमा गएको अवस्थामा खोलाको ओडारमा छिपाएर राखेको एक थान भरुवा बन्दु फेला परेको जनाइएको छ ।

गस्तीमा गएको प्रहरीले अरु कुनै सामाग्री नभेटाएको तर एक थान भरुवा बन्दुक मात्र लुकाएर राखेको अवस्थामा फेला पारेको जानकारी प्राप्त भएको छ ।

कसले किन र के का लागि लुकाएर राखीएको हो भन्ने कुरा अनुसन्धान भैरहेको जिल्ला प्रहरी कार्यालय हुम्लाले जानकारी दिएको छ ।