साउने पुर्णिमाको तयारीमा हुम्लाका नागरिकहरुः ताजाकोटको बातमाडौंंमा होटेल पसल राख्न शुरु 

सिमकोट । साउने पुर्णिमाको रुपमा मनाईने जनै पुर्णिमाको तयारीकालागि हुम्लाका अधिकांश गाउँका नागरिकहरुले तयारी थालेका छन् । 

पुर्णिमाको केन्द्रीत गरी स्थानिय बजारमा नयाँ कपडा देखि दैनिक उपभोग्य सामानहरुको खोजी गर्नेले बजारमा चहल पहल बढेको छ । मेलाको व्यावस्थापन गर्न अदानचुली ५ र ताजाकोट ५ ले आयोजकको रुपमा सरोकोरवाला सबैमा आग्रह गर्दै स्वयम् सेवक तयारी देखि मधिरा विक्री वितरण र सेवनमा कडाई गर्न शुरु गरेको छ । 

मदिराले अशान्त फैलाउने भएकाले त्यसको निगरानीमा राख्न यस अघिको बैठकले १० जनाको समिती समेत गठन गरेको छ । साउने पूर्णीमा नजिकिए सँगै स्थानियको बजारमा चहलपहल बढेको पाईएको छ भने गाउँघरमा लिप पोत र मेलामा जाने तयारीमा जुटेका छन्  ।
 
बातमाडौंमा होटेल पसल थाप्न होडबाजी 
साउने पुर्णिमाकालागि अदानचुली र ताँजाकोट गाउँपालिकाको तिर्थ स्थल मानिदै आएको बातमाडौं खौलामा होटेल तथा पसल थाप्न शुरु भएको छ । 

साउन पुर्णिमाको दिन अदानचुली र ताँजाकोट गाउँपालिका लगायत अन्य जिल्लाका दर्शालु आउने भएकाले होटेल तथा पसलहरुले सजावट हुन लागेको बताइएको छ । 

पूर्णिमाको दिन धाम नाच देउडा लगायतको परम्परागत मेला लाग्ने भएको भक्तजनको बाक्लो उपस्थितमा ब्यापार समेत मनग्य हुने भन्दै ब्याबसायीको संख्या बढ्दै गएको छ । बातमाडौं क्षेत्रमा भेडा गाठालो लाग्नु भएका अदानचुली २ का स्थानिय कलबहादुर बुढाका अनुसार मेलाको मुख्य सुरुवात अदानचुली ५ को डाँडागाउँमा चतुरदशीको साँझ बाडामाडौ र पूर्णीमाको दिन झाडमाडौमा ठूलो मेला लाग्ने भएकाले स्थानिय ब्यापारीको संख्या बढ्न लागेको हो ।

परापुर्ब कालदेखि नैंलाग्ने मेला खौला बाडमाडौं हुदै झाडमाडांैमा पुगेर बिभिन्न देवि देवता दर्शन हुने भन्दै दर्शनार्थीको घुइँचो लाग्ने गरेको छ । सोही दिनमा अदानचुली ५ र ताँजाकोट ५ का विभिन्न देबि देवताको दर्शनका लागि भत्तजनहरु जाने गरेको पाइएको छ । सोही क्षेत्रमा जाने भत्तजनहरु बिहान उठेर स्नान गरी आफुलाई चाहिने खाजा नास्ता समेत बोकेर जाने गरेको पाइएको छ ।